Soltüstık Казахстан
Sońǵy kezderi elimizde ıis tıýge qatysty oqys oqıǵalar jıi oryn alýda. Ásirese, aýyl turǵyndary arasynda qaıǵyly jaǵdaı kóp. Kez kelgen peshti durys qoldanbaýdyń saldary qaıǵyly jaǵdaıǵa ulasýy múmkin ekenin umytpaǵan abzal.
Jyl basynan beri óńirimizde ıis tıýge qatysty 13 fakti oryn alyp, eki adam qaza tapty, 26-sy em-dom qabyldady. Mundaı jaǵdaılar, kóbinese, úı ıeleriniń órt qaýipsizdigi erejelerin saqtamaýynan bolyp jatady. Peshti jaqqannan keıin keıbireýler jylý syrtqa shyǵyp ketedi dep murjany jaýyp qoıady. Osynyń saldarynan ıis tıýi múmkin. Úıdegi gaz balony ashyq qalsa, onyń ıisi birden seziledi. Al peshten shyqqan ýly gazda ıis joq. Ol barlyq úıge tarap, ýlanǵan adam birneshe mınýttaaq kóz jumýy múmkin. Mundaı faktilerdiń kóbi túngi ýaqytta oryn alatyny belgili.
Ótken jyly oblysta ıis tıip, tutas bir otbasynyń qaza tapqany kópshiliktiń esinde bolar. Olardy qutqarmaq bolǵan kórshileri de qatty ýlandy.
Aıaýlym AǴLIHANOVA,
apattyq-medısına
ortalyǵynyń feldsheri.