Өңірде төтенше жағдайлар режімі аяқталып, жұмыс жандана бастады. Облыс аумағында шектеу шараларының өзгеруі туралы облыстық тауарлар мен көрсетілетін қызметтердің сапасы мен қауіпсіздігін бақылау департаментінің басшысы Серікбай Қасмақасов мәлімдеді.
Елімізде төтенше жағдай аяқталғандықтан, карантидік режім де кезең-кезеңмен жеңілдетілуде. Осы орайда облыстық төтенше жағдайлар жөніндегі штаб отырысында мектепке дейінгі ұйымдардың жұмысын жандандыру туралы шешім қабылданды. Бұл жайында облыстық білім басқармасының басшысы Гүлмира Кәрімова баспасөз мәслихатында баяндады. Алдымен жұмысқа барып жүрген ата-аналардың балалары қабылданатын болады.
Жамбыл ауданындағы жауапкершілігі шектеулі серіктестіктердің бірінен 59 тонна бидай тұқымы қолды болған. Себуге әзірлеп қойған тұқым ұрлығынан 6 миллион теңгеден астам шығын келген. Белгілі болғандай, қаскөйлер бейнекамераларды алдын ала өшіріп тастаған екен.
Мамлютка қаласының 31 жастағы тұрғыны “ВКонтакте” әлеуметтік желісі арқылы діни мазмұндағы аудио және бейнефайлдар сатқан. Бұл деректі тәртіп сақшылары әлеуметтік желілерге жүргізілген мониторинг барысында анықтады. Ер адам заңға қайшы әрекеті үшін әкімшілік жауапкершілікке тартылып, оған 120 мың теңгеден астам айыппұл салынды.
Қазақстанда азық-түлік пен өзге де тауарлар қымбаттады. Бұл туралы ҚР Ұлттық банкі төрағасы Ерболат Досаев Үкімет отырысында баяндады.
Мемлекет басшысы сапар барысында қаланың бірқатар инфрақұрылымдық нысандарының жаңғырту жобаларымен және құрылысымен танысады. Бұл туралы Президенттің баспасөз хатшысы Берік Уәли хабарлады.
