День: 20.08.2020

Облыс әкімінің орынбасары Ғани Нығметов «AntikorLive» жобасының тікелей эфирінде жаңа оқу жылына дайындық және мемлекеттік мекемелердің жұмысы жайлы баяндады.

Республика бойынша барлық білім ордаларында бірыңғай педагогикалық кеңес өтті. Жиын барысында әр мектеп жаңа оқу жылына дайындықтарын пысықтап, өзекті мәселелерді талқылады. Ауқымды жиын онлайн форматта ұйымдастырылды.   

Қазақстан мұсылмандары діни басқармасының бастамасымен облыс орталығындағы «Қызылжар» орталық мешіті «Мектепке жол» қайырымдылық акциясын ұйымдастырды.

Еліміздің Сауда және интеграция министрі Бақыт Сұлтанов тоқтатылған әуе рейстері үшін ақшаны қайтару бойынша азаматтардың шағымдарын қарастырып жатқанын онлайн брифингте атап өтті.

«Facebook»-тің алгоритмдері қолданушыларға медицина туралы жалған ақпараттың мазмұнын 3,5 миллиард рет көруге мүмкіндік берді.

Қазақстан Президентінің Түркістан облысына сапары Сардоба су қоймасындағы апаттан зардап шеккен тұрғындар үшін Мырзакент ауылында салынып жатқан жаңа ықшамауданның құрылысымен танысудан басталды.

Қасым-Жомарт Тоқаев былтыр жарылыс болған Арыс қаласындағы №44859 әскери бөліміне барып, оның бүгінгі жағдайымен танысты.

Былтырғы Арыс қаласында болған жарылыстан бүлінген нысандардың бірі темір жол бекетінің ғимараты болатын. Президент Түркістан облысына сапары барысында «Арыс-1» теміржол вокзалының қазіргі ахуалымен, Арыс қаласын қайта қалпына келтіру жұмыстарымен танысып, тұрғындармен кездесті.

С.Мұқанов атындағы облыстық ғылыми-әмбебап кітапханада оқырмандарға «Қазақ елінің атақты музыка өнерпаздары» антологиясы таныстырылды.

Денсаулық сақтау министрі Алексей Цой ресейлік коронавирусқа қарсы вакцинаны сатып алу жоспарлары туралы айтты. Сонымен қатар қазақстандықтар вакцинадан зардап шеккен жағдайда кім жауапты болатынын түсіндірді.

Мемлекет басшысы Қасым-Жомарт Тоқаев Түркістан облысына жұмыс сапарымен барды. Бұл туралы Президенттің баспасөз хатшысы Берік Уәли «Инстаграмдағы» парақшасында жазды.

Дәрілік заттар мен медициналық бұйымдарды сараптау ұлттық орталығының Алматы қаласындағы аймақтық филиалының фармакологиялық сынақ зертханасы базасында COVID-19-ға (QazCovid-in ®️ ) қарсы қазақстандық белсенді емес вакцинаны клиникаға дейінгі зерттеу аяқталды.

Орман шаруашылығы және жануарлар дүниесі аумақтық инспекциясы мамандарының айтуынша, төтенше жағдай Тайынша ауданында орын алған.

Облыс әкімі Құмар Ақсақалов Петропавлдағы «С.М.Киров атындағы зауыт» АҚ-ында болып, компьютерлік техникаларды құрастыру цехының жұмысымен танысты.