Soltüstık Казахстан
Парламент Мәжілісі, облыстық және қалалық мәслихаттар депутаттығына кандидаттар облыс орталығының тұрғындарымен кездесуді жалғастыруда. Осы жолы олар “Nur Otan” партиясының “Өзгерістер жолы: әркімге лайықты өмір” сайлауалды бағдарламасының негізгі бағыттарына кеңірек тоқталды.
Петропавлдағы көтерме сауда орталығында және “Береке” шағынауданында сайлаушылармен кездескен кандидаттар “Nur Otan” партиясы ұсынғалы отырған өзгерістер туралы әңгімеледі. Қалалықтарды негізінен жастарды жұмыспен қамту мәселесі қызықтырды.
“Біз бұл мәселені негізгі міндеттеріміздің қатарына қойып отырмыз. Яғни, жылына 4,6 мың жасты еңбекпен қамтуға мүдделіміз. Сондай-ақ, жыл сайын бизнес саласына жаңадан аяқ басқан кәсіпкерлерге 500 несиеден бөлінетін болады. Өз ісін ашқысы келетін әр адам осындай мүмкіндікті пайдаланып, бизнес жобасын іске асыра алады”, – деді кандидаттар бірауыздан. Бұдан басқа, ТиПО-мен, яғни дуалды формада оқуын тамамдаған түлектерді жұмыспен қамту жоспарланған.
Үгіттеу науқаны шеңберінде “Береке” шағынауданының тұрғындарымен кездескен Мәжіліс депутаттығына кандидат Дмитрий Колода, облыстық және қалалық мәслихаттар депутаттығына кандидат Лилия Баймұратова, Рашбиль Евдаев пен Арман Бердіғұлов білім саласындағы жоспарларымен бөлісті. Олар “Есіктен – есікке” акциясы аясында әр азаматтың сұрағына жауап беріп, оларды сайлауға қатысуға шақырды.
Кандидаттар басты партияның білім беруді ұйымдастыруды толықтай қамтамасыз етуге мүмкіндік туғызатындарын, атап айтқанда, оқу ордаларын интернет-платформамен және компьютерлік техникамен қамтамасыз етуге жәрдемдесетіндерін айтты. Аз қамтылған отбасылардың балаларын қашықтан оқыту мақсатында дербес компьютермен де қамтитындарын жеткізді.
Шара соңында кандидаттар барша тұрғындарды тағы бір мәрте сайлауға шақырып, азаматтардың мәселелерін шешуге ынталы “Nur Otan” партиясына дауыс беруге үгіттеді.
“Nur Otan” партиясы Солтүстік Қазақстан облыстық сайлау қоры қаражатынан төленді.