Өткен жылы “Береке” шағынауданында оң өзгерістер орын алды. Жаңа саябақ салынып, тұрғын үй құрылысы қарқын алды. Сондай-ақ, жергілікті тұрғындардың сұранысы бойынша шағынауданда заманауи емхананың құрылысы басталды. Бұл оң өзгерістерге куә болып, ел ертеңіне деген сенімдері артқан берекеліктер жексенбі күні өткен Парламент Мәжілісі мен барлық деңгейдегі мәслихаттар сайлауында белсенділік танытты.
Медициналық колледжде орналасқан №643 сайлау учаскесінде өз таңдауын жасамақ болған тұрғындар қарасы қалың болды. Сайлау комиссиясының төрағасы Дулат Сейтжанов дауыс беру үрдісі талапқа сай өткенін, коронавирусқа байланысты сақтық шараларына ерекше мән берілгенін айта келіп, 35 адамның үйде дауыс беруге өтініш жасағанын жеткізді.
Кеше орталық сайлау комиссиясының кезекті отырысы өтіп, онда 2021 жылдың 10 қаңтарында өткен Парламент Мәжілісінің және барлық деңгейдегі мәслихаттардың депутаттарын сайлаудың алғашқы қорытындылары шығарылды.
Тарих табалдырығын аттаған 2021 жылдың алғашқы жылнамасында Қазақстан Республикасының Президенті Қасым-Жомарт Кемелұлы Тоқаевтың республикалық “Egemen Qazaqstan” газетінде жарияланған “Тәуелсіздік бәрінен қымбат” атты мақаласын ел ертеңіне деген берік сенімді ұялататын, іргелі істерге жетелейтін басты бағдарлама ретінде қабылдадым. Мақала мәтінімен мұқият таныса отырып, жүрек түбінде жатқан, көптен ойда жүрген түйткілді, өзекті мәселелердің бүкпесіз көтерілуімен қатар келешекке бағыт-бағдар …
Әлемдегі эпидемиологиялық ахуалға қарамастан Қазақстанда сайлаудың өтуі – қоғам үшін де, мемлекет үшін де маңызды оқиға. Ол жаңа мүмкіндіктерді қарастырып, кадрлық әлеуетті жақсартуға жол ашады, Қазақстанның жаңа қырынан көрінуіне мүмкіндік береді.
Өз құқықтарын пайдаланып, Отан алдындағы міндеттерін өтеуге Мамлют ауданындағы Бостандық ауылының тұрғындары бір адамдай атсалысты. Ауылдың 166 тұрғыны түске дейін сайлау учаскесіне келіп, өз таңдауларын жасады.
Облыс орталығындағы №2 орта мектепте орналасқан №578 сайлау учаскесі таңғы сағат 8-де өз жұмысын бастады. Парламент Мәжілісі мен мәслихат депутаттарын сайлауға асыққан тұрғындардың алғашқылары комиссия құрамы дайындаған кішігірім сыйлықтарға ие болды. Сайлау учаскесінің төрайымы Зура Шақанованың айтуынша, күннің бірінші жартысында сайлаушылар көп болғанымен, ғимаратта барлық санитарлық талаптар сақталған.
Парламент Мәжілісі мен жергілікті мәслихаттар депутаттарын сайлаудан денсаулығы сыр берген азаматтар да қалыс қалмады. Мәселен, Петропавл құрылыс-экономикалық колледжіндегі №632 сайлау учаскесінің қызметкерлері 8 науқастың шаңырағында болды.
Елордада Қазақстан халқы Ассамблеясының Парламент Мәжілісіне Қазақстан халқы Ассамблесынан депутаттар сайлауға арналған ХХVІІІ сессиясы ашылып, дауыс беру өтті.
Облыс орталығының автобус паркі жеті жаңа көлікпен толықты. Оқушылар сарайының алдына қаз-қатар тізілген қоғамдық көліктерді өңір басшысы Құмар Ақсақалов тамашалап, тұрғындар игілігіне тапсырды.
Облыс әкімі Құмар Ақсақалов “Instagram” әлеуметтік желісіндегі жеке парақшасында жаңа экосаябақтың жобасын таныстырды. Болашақ жоба Мещан орманының ағаштар кесілген аумағында орналаспақ.
Мамлют ауданына жұмыс сапарымен барған облыс әкімі Құмар Ақсақалов “Tarlan” атты жаңа жабық хоккей кортының ашылу рәсіміне қатысты.
Облыс әкімі Құмар Ақсақалов Петропавл қаласындағы балалар мен жасөспірімдер шығармашылығы орталығында орналасқан сайлау учаскесіне барып, Қазақстан Республикасы Парламенті Мәжілісі мен барлық деңгейдегі мәслихаттар депутаттарының сайлауында дауыс берді.
Облыстық полиция департаментінің арнайы мұрағатында 1930-1950 жылдары заңсыз сотталған солтүстікқазақстандықтарға қатысты 5364 қылмыстық іс және бұрынғы кеңестік әскери тұтқындар туралы сұрыптау материалдары сақталған. Олардың ұрпақтары мәліметтер алу үшін жүгіне алады.
Қазақстанда өткен тәулікте 411 адам коронавирус індетінен емделіп шықты.
Өткен тәулікте коронавирустық инфекция белгілері бар пневмонияның 27 жағдайы және 1 өлім жағдайы тіркелді.
Денсаулық сақтау министрлігі 11 қаңтардағы ақпарат бойынша елімізде 23 498 адам коронавирус инфекциясынан емделіп жатқанын хабарлады.
Мысырдан ұшып келген 4 қазақстандықтан коронавирус анықталды.
Солтүстік Қазақстан облысында өткен тәулікте 13 ауданның 8-інде коронавирус инфекциясы тіркелді.
Қазақстан халқы Ассамблеясының XXVIII сессиясында Нұр-Сұлтан қалалық сайлау комиссиясы дауыс беру нәтижесін жариялады.
