ӘМИНА АҚЫН

Soltüstık Казахстан

 Kyzylzhar_akparat@mail.ru

Ғабит Мүсірепов атында­ғы облыстық балалар мен жас­өспірімдер кітапханасын­да жерлес ақын Әмина Шала­баеваның туғанына 105 жыл толуына орай “Жақсы жыр­дың ұшқыны” тақырыбында онлайн шара өтті. Кітапхана қызметкері Аманжол Зағы­пар лирикалық өлеңдерімен көпке танылған қаламгердің өмірі жайында әңгімелеп, шы­ғармашылық жолынан сыр шертті.

Жерлесіміз Мағ­жан Жұма­баев ауданындағы Ақ­мола деген ауылда дүниеге кел­ген. Жас­тайы­нан Мағжан Жұма­баевтың өлеңдерін түгелдей жат­қа біл­ген. Алматыда газет, бас­па­лар­да түрлі қызметтерді атқа­ра жү­ріп, ақындық шеберлігін шың­дай түседі. Тұңғыш жыр жи­нағы 1962 жылы “Менің қарлы­ғашым” де­ген атаумен жарыққа шыққан. “Күн қызы”, “Тау бұла­ғы”, “Әнші қо­ңырау”, “Менің өр­нек­терім” сияқ­ты бірнеше кітап­тары өлең­сүйер жұртшылықтың жүрегіне жол тапқан.
Әмина Шалабаеваның ай­тыс­кер ақын Ерік Асқаровтың апа­сы екенін де көпшілік біле бер­мейді. Інісінің дарынын жас­тай аңғарған ақын әкесі Мұхам­мед-Хафиздің ақ батасымен оны Алматыға шақыртып алып, ақын­­­дық жолға түсірген. Он­лайн-шара барысында Ерік Ас­қа­ров атындағы облыстық жас ақындар мектебі­нің шәкірті Диас Аяған, кітапхана жа­нындағы “Жас қаламгер” клу­бының мү­ше­лері Данаш Әбді­рахманова, Ер­махан Нұрлан, Шұғыла Нұрлан мен Самрат Құс­кен ақын апа­мыз­дың бірнеше өлеңдерін оқып берді.

Гүлбике КУБЕНОВА,
“Soltústik Qazaqstan”.