Soltüstık Казахстан
Өңірлік коммуникациялар қызметі өткізген баспасөз конференциясында коронавирустық инфекция бойынша облыстағы жағдай туралы баяндалды.
Денсаулық сақтау басқармасы басшысының орынбасары Нұрлан Аймановтың айтуынша, бүгінгі күні емдеу мекемелерінде «COVID-19» вирусын жұқтырғандар үшін 1165 төсек орын әзірленген. Қазіргі таңда олардың 514-де КВИ мен пневмонияға шалдыққандар ем алуда.
«Демалыс күндері аурудың бұл түрімен сырқаттанатындардың қатары 54 пайыздан асып түседі. Жан сақтау бөліміне жеткізілген 21 адам ауыр халде болса, 8-і өкпені жасанды тыныстандыру аппаратына қосылған. Дәрі-дәрмек қоры жеткілікті. «СК-Фармация» ЖШС-імен келісім жасалған. КВИ бойынша қандай да бір дәрі-дәрмектің жетіспеушілігі байқалса, біз онлайн режімде тапсырыс беру мүмкіндігіне иеміз. Оны тез арада жеткізу мәселесінде де еш кедергі болуы тиіс емес. Өйткені облысымызда бірыңғай ақпараттық жүйе құрылып отыр», – деді Нұрлан Бақдәулетұлы.
Өңірде1051 тұрғын амбулаториялық ем қабылдауда. Ауру белгілері байқалған пациенттерге 98 жедел бригада қызмет көрсетуде. «Жедел жәрдемге» жүктеме аз. Тәулігіне 400-дей шақырту түссе, соның 70 шақтысы КВИ мен пневмония бойынша тіркелуде.