Soltüstık Казахстан
Петропавл қаласының тұрғыны полиция қызметкерлеріне өз қоймасынан мырыш қорап тауып алғанын хабарлап, телефон шалған. Онда 5,45*49 калибрлі 990 патрон болған. Ер адам үйді 14 жыл бұрын сатып алғанын және қойманың түкпірінде жатқан ескі заттарды жақында ғана жинастырғанын айтқан. Шақыру бойынша келген полиция қызметкерлері барлық патрондарды алып, сараптамаға жіберді.
– Алынған заттар – монтаждау немесе «құрылыстық» деп аталатын патрондар, – дейді екінші полиция бөлімі бастығының орынбасары, полиция майоры Гүлмира Сағитова. – Оның қолданысқа жарамдылығын сараптама көрсетеді. Қалай айтсақ та, петропавлдықтың әрекеті орынды. Басқа қылмыс құрамы болмаса ол оқ-дәрілерді заңсыз сақтағаны үшін әкімшілік және қылмыстық жауапкершіліктен босатылады.