Soltüstık Казахстан
Қостанай қаласында жүзуден көпсайыс бойынша Қазақстан чемпионаты аяқталды. Дәстүрлі додаға 17 команда, 180-нен астам спортшы қатысты. Біріншілікте өңір намысын қорғаған облыс құрамасы жалпыкомандалық есепте үшінші орынға ие болды.
2006 жылы туған ер балалар мен 2008 жылғы қыздар сынға түсті. Жарыста қызылжарлықтар сәтті өнер көрсетті. Бұрымды спортшылар тартысты өткен эстафетада екі бірдей жүлделі орынға қол жеткізді. Атап айтқанда, нәзік жандар 50 метрлік аралас және 25 метрлік еркін жүзу эстафеталарында үздік үштікті түйіндеді. Ұлдар да бұл нәтижені қайталап, үшінші орынға жайғасты.
Жекелей сындағы жарыстарда Егор Василенко еркін стильмен жүзіп, алтыннан алқа тағынса, Дмитрий Турукин брасс әдісімен жүзуде үшінші орынды місе тұтты.
Аманжол НҰРТАЗИН,
“Soltústik Qazaqstan”.
Сурет: http://www.smsport.ru/