Soltüstık Казахстан
Осыдан екі апта бұрын облыстық балалар ауруханасының жансақтау бөліміне түскен үш жасар қыз ауыр халде жатыр. Туған анасы ұрып-соққан сәби әлі күнге дейін есін жиған жоқ.
Бүлдіршін ауруханаға қаңтардың 17-і күні жеткізілген-ді. Дәрігерлер түрлі дене жарақатынан бөлек, оның миының шайқалғанын анықтады. Облыстық полиция департаменті баспасөз қызметінің ақпаратына сәйкес, күдікті – 22 жастағы туған анасы. Орын алған оқиғаға байланысты Қылмыстық кодекстің 106-бабының 2-бөлігі “Кәмелеттік жасқа толмаған баланың денсаулығына қасақана ауыр зиян келтіру” бойынша сотқа дейінгі тергеу басталып, бірқатар қажетті сараптама тағайындалды.
Аталмыш бап бойынша күдікті 6 жылдан 10 жылға дейін бас бостандығынан айырылуы мүмкін. Ал жәбірленуші қайтыс болған жағдайда, 8 жылдан 12 жылға дейін қамауға алу жазасы өз күшіне енеді.
Аманжол НҰРТАЗИН,
“Soltústik Qazaqstan”.