Soltüstık Казахстан
Жерлестеріміз Алматы қаласында спорттық биден өткен Қазақстан чемпионатынан жүлделі оралды. Солтүстікқазақстандық құраманың қоржынында 2 алтын, 1 күміс және 1 қола медаль бар.
Биылғы біріншілікке еліміздің 12 қаласынан келген 19 команда қатысты. Олар жасөспірімдер, жастар және ересектер тобында сынға түсті. Қатысушылардың өнері еуропалық және латынамерикалық бағдарламалар бойынша бағаланды. Ересектер арасында сынға түскен Кирилл Новиков пен Ярослава Кузнецованың жұбы қос бағдарламаның қорытындысы бойынша жеңімпаз атанды. Ал жасөспірімдер арасында сайысқан Максим Сенькин мен Валерия Литвинова еуропалық биден бірінші орынға қол жеткізсе, латынамерикалық билер бағдарламасында күміс медальға лайық деп танылды. Ал жастар санатында Тимур Магафуров пен Софья Бурасова еуропалық бағдарламада үздік үштікті түйіндеді.