Soltüstık Казахстан
Облыс әкімі ата-аналардың балабақшаларда қосымша орындар ашу туралы ұсыныстарына «Facebook» әлеуметтік желісіндегі жеке парақшасында пікір білдірді.
«Маған ата-аналардан балабақшаларда қосымша орындар ашу туралы көптеген ұсыныстар түсіп жатады. Пандемияға байланысты біз балабақшалардың жұмысын шектеуге мәжбүр болдық. Кезекші топтар жартылай ғана толды.
Қазір аймақта жағдай тұрақталды. Облыс жасыл аймаққа өтті, бұл бізге карантиндік шектеулерді жеңілдетуге мүмкіндік береді. Кезекші топтардағы орындар санын көбейтетін боламыз. Сөйтіп, балаларды мектепке дейінгі тәрбиемен көбірек қамти аламыз. Мен барлық ата-аналарға осы қиын кезеңде түсіністік пен шыдамдылық танрытқаны үшін алғысымды білдіремін», – деп жазды әкім желіде.
Құмар Ақсақалов сондай-ақ 28 ақпаннан облыста сауда орталықтары, базарлар, бассейндер мен моншалар жұмыс істей бастайтынын хабарлады. Театрлар да көрермендер алдында қойылымдар қоятын болады. Мектептен тыс оқыту орталықтары да 15 балаға дейін қабылдай алады. Автобустар Қазақстан аумағы бойынша кез келген бағытқа қатынайды.
Облыс әкімінің баспасөз қызметі.