Soltüstık Казахстан
Керлингтен өңір құрамасы Алматы қаласында өткен ел кубогынан жүлделі оралды.
Өңіріміздің ерлер командасының сапында М.Қозыбаев атындағы Солтүстік Қазақстан университетінің «Дене және әскери тәрбие теориясы мен әдістемесі» кафедрасының профессорлық-оқытушылық құрамы Иван Буняшин, Сергей Семеренко, Денис Зернов және студенттер Фархат Раев, Глеб Вибле, Роман Жежеря өнер көрсетті. Республикалық және халықаралық ареналарда ел намысын ұдайы қорғап жүрген спортшыларымыз осы жолы да сәтті ойнап, 2-орынды иеленді.
Сонымен қатар аралас командалар арасында облысымыздың спортшылары үздік үштікті түйіндеді. Команда құрамына жоғарыда аталған студенттер және Вероника Вятчинова, Динара Садықова, Гаухария Рахаева мен Иззат Эргашова кірді.
Диана ХАЛИМОВА,
М.Қозыбаев атындағы СҚУ медиа орталығының
бас редакторы.