Soltüstık Казахстан
Шалғайдағы Ақжар мен Уәлиханов аудандарының тұрғындарымен кездескен облыстық полиция департаментінің бастығы, полиция полковнигі Марат Төлебаев учаскелік полиция инспекторларының жұмысына баға беріп, ауылдықтардың тілектері мен ұсыныстарын тыңдады.
Аудандық полиция бөлімінің бастығы, полиция подполковнигі Еркін Махметов жергілікті полиция жұмысының қорытындылары туралы есеп берді. 2020 жылы қылмыс 41 пайызға төмендеген. Қылмысты ашу деңгейі 95 пайызды құраған. Әрбір ауылдық округте қараусыз жүрген малдарға арналған орындар жасалған. Кездесу соңында облыстық полиция департаментінің бастығы ауданның тәртіп сақшыларына бірқатар нұсқаулар беріп, оларға көмек көрсеткен серіктестіктердің директорлары мен шаруашылықтардың басшыларына алғысын білдірді, сондай-ақ жеке мәселелерін айта келген азаматтарды қабылдады.
Мұндай кездесу Уәлиханов ауданында да өткізілді. Аудан орталығы Кішкенекөл ауылы мен Петропавл қаласының арасы 340 шақырым. Елді мекенге екі учаскелік полиция инспекторы қызмет көрсетеді. Уәлиханов аудандық полиция бөлімінің бастығы, полиция подполковнигі Руслан Әлижанов аудандағы криминогендік жағдай тұрақты екенін атап өтті. Өткен жылы 84 қылмыс тіркелген, қылмысты ашу деңгейі 98 пайызды құраған. Полицейлер қылмыс пен құқық бұзушылықтарды ескерту бойынша жұмысты күнделікті жүргізуде.
Кездесу соңында ауданның төрт белсенді тұрғыны облыстық полиция департаменті бастығының Алғыс хатымен марапатталды.
Динара САҒЫНДЫҚОВА,
облыстық полиция департаменті
ішкі және сыртқы коммуникациялар бөлімінің
аға инспекторы.