Soltüstık Казахстан
Мемлекет басшысы Қасым-Жомарт Тоқаев азаматтардың денсаулығын қорғаудағы жанкешті еңбегі үшін дәрігерлерге ризашылығын білдірді. Бұл туралы ол «Twitter» парақшасында жазды.
«Бүгін Дүниежүзілік денсаулық күні. Қазіргідей қиын кезең денсаулық сақтау саласының тиімді жұмысы адамзат өмірінде қаншалықты маңызды екенін көрсетті. Пандемияның алғашқы күнінен бастап медицина қызметкерлері адам өміріне араша түсіп, вирусқа қарсы күрестің алдыңғы шебінде жүр.
Қолжетімді және сапалы медицина жүйесі – жалпыұлттық басымдық. 2020 жылдан бастап медицина саласын қаржыландыру 1,5 есеге көбейді. 2021 жылы 1 қаңтардан бастап сала қызметкерлерінің жалақысы көтерілді. Азаматтардың денсаулығын қорғаудағы жанкешті еңбегі үшін дәрігерлерге ризашылығымды білдіремін», деп жазды Қ. Тоқаев.
https://egemen.kz