«Soltüstık Qazaqstan»

PDF

ҚАЗАҚ МУЗЫКАСЫНЫҢ ШАМШЫРАҒЫ

Soltüstık Казахстан

 Kyzylzhar_akparat@mail.ru

Сәбит Мұқанов атындағы облыстық ғылыми-әмбебап кі­тапханада “Өнердегі өнегелі өмір” деген атаумен ұйымдастырылған дәріс көрнекті ғалым, әйгілі композитор, қазақтың тұңғыш дирижері, Қазақстанның Халық әртісі, академик Ахмет Жұбановтың туғанына 115 жыл толуына орайластырылды.

Шарада белгілі күйші, ардагер-ұстаз Серікбай Құсайынов Ахмет Жұбановтың өнегелі өмірі мен қыз­меті, шығармашылығы жайлы жан-жақты баяндады. Музыканың сырлы әлеміне сапарын қос ішекті домбырадан, нәзік үнді сыбызғы­дан бастаған өнерпаздың композиторлық қырына терең бойлады.

– Ақтөбе облысында 1906 жы­лы дүниеге келген дара дарын ие­сінің музыкаға деген қабілеті ерте оянған. Ол бес жасында хат та­нып, домбыра тартып, ән айт­қан. Халқымыздың рухани өрлеуіне өзі­нің перзенттік борышын бар күш-жігерімен адал атқарған арда ұл, ел мақтанышы Ахмет Қуанұлы соңы­на мол мұра қалдырып, оны туған жұртының игілігіне айнал­дыра білді, – деген Серікбай Құсайынов Ахмет Жұбановтың көзі тірісінде жазған естеліктеріне де тоқталып, мазмұнды ойларды ортаға салды. Шара соңында композитордың “Би күйін” орындап берді.

Ақмарал ЕСДӘУЛЕТОВА,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp