«Soltüstık Qazaqstan»

PDF

Аудандағы көшпелі отырыс

Soltüstık Казахстан

 Kyzylzhar_akparat@mail.ru

Облыстық мәслихаттың халықтың денсаулығын сақ­тау және оны әлеуметтік қор­ғау, білім беру, мәдениет және жастар ісі мәселелері жө­нін­дегі тұрақты комиссиясының көшпелі отырысы Тимирязев ауданында өтті.

Жиында халық қалаулылары білім берудің сапасы мен қол­же­тімділігін арт­тыру, спорт ұйымда­рын дамыту және қаржыландыру бойынша қабылданып жатқан ша­ралардың орындалу бары­сымен танысты. Аудандық білім, дене шы­нықтыру және спорт бөлім­де­рінің жетекшілері Армат Күзеу­баев пен Ар­мида Манукян атқа­рылып жатқан жұ­мыстар жайлы баяндап, қойылған сұ­рақтарға жа­уап берді. Комиссияның көш­пелі мәжілісінде аудан әкімі Нұр­лан Кеңесов, аудандық мәслихаттың хатшысы Айман Асанова өз ой­ларын ортаға салды.

Депутаттар мемлекеттік бағ­дар­ла­ма­лардың іске асырылуын қадағалау мақсатымен бірқатар әлеуметтік ны­сандарды аралады. Интернационал ауылдық округін­дегі мәдени-са­уық­тыру орталығы мен орта мектепте, Тими­ря­зев жал­пы білім беретін мектеп-гим­назиясында, агротехникалық кол­леджде болды. Аталған нысан­дар­да күрделі жөндеу жұмыстары жүргізіліп, материалдық-техни­калық база бір­ша­ма нығайтылған.

Тұрақты комиссияның төрайы­мы Ирина Эктова білім алу және спортпен шұғылдану үшін жасал­ған қолайлы жағдайлар оқушы­лар­дың облыстық және республи­ка­лық деңгейдегі же­тістіктеріне оң әсер ететінін атап өтті.

Комиссия отырысының қоры­тын­дысы бойынша бірқатар ұсы­нымдар берілді.

Қайрат САДЫҚОВ,

облыстық мәслихаттың баспасөз хатшысы.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp