Soltüstık Казахстан
Облыстық төтенше жағдайлар жөніндегі департаменттің қызметкерлері Есіл өзеніне батып кеткен “Toyota Surf” автокөлігін алып шықты. Оқиға Қызылжар ауданындағы Красный Яр ауылының маңында болған. Алдын ала болжам бойынша Петропавл қаласының екі тұрғыны 21 сәуір күні балық аулауға шыққан. Олар түнгі сағат 11-лер шамасында күн суытқасын көлікті оталдырып қойып, ішінде ұйықтап қалады. Осы кезде жағада тұрған көлік өзінен өзі алға жүріп кетеді. Жігіттердің біреуі оянып кетіп, шығып үлгерген. Өкінішке қарай, екінші адам көлік ішінде қалған. Қаза тапқан жігіттің 1982 жылы туған Петропавл тұрғыны екені белгілі болды. Байланыс нашар болғандықтан уақытында көмек шақыра алмаған. Қазір тергеушілер оқиғаның мән-жайын анықтауда.
Сағындық МАУҒАЗИН,
“Soltüstık Qazaqstan”.