2021 жылдың басынан бері көліктегі полицейлер түрлі әкімшілік құқық бұзушылықтар жасаған 16119 адамды, оның ішінде қоғамдық орындарда темекі шеккені үшін 338 азаматты әкімшілік жауапкершілікке тартты.
“Нұр-Сұлтан – Петропавл” бағытындағы пойызды тексеру кезінде тамбурда темекі шеккен Қарағанды облысының 28 жастағы тұрғынын анықтады. Ер адамға қатысты Әкімшілік құқық бұзушылық туралы кодекстің тиісті бабына сәйкес әкімшілік хаттама толтырылып, 15 айлық есептік көрсеткіш (43755 теңге) мөлшерінде айыппұл салынды.
Үстіміздегі жылдың 27-29 сәуірі аралығында еліміздің темір жол және әуе көліктерінде құқықтық тәртіп пен қауіпсіздікті қамтамасыз ету мақсатында Ішкі істер министрлігі көліктегі полиция департаментінің қызмет көрсету аумағында “Құқықтық тәртіп” жедел профилактикалық іс-шарасы өткізілуде.
Нұржан ӘЛІБАЕВ,
көліктегі полиция департаменті бастығының орынбасары.