Тең тарқасты

Soltüstık Казахстан

 Kyzylzhar_akparat@mail.ru

Футболдан ел біріншілігінің 14-ші турында “Qyzyljar” клубы өз алаңында жамбылдық “Тараз” командасын қабылдады.

Бұған дейінгі турда тараздықтар шым­кенттік “Ордабасымен” тең ойнаса, жер­лестеріміз “Атырауға” есе жіберген еді. Сон­дықтан қос команда үшін де жеңіс ауадай қажет болды.

Ойын бастала сала ширақтық танытқан тараздықтар есеп ашты. Қақпамызға ал­ғашқы голды кездесудің 12-ші минутында Ненад Адамович соқты. Осы қарқынмен көп ұзамай тараздық шабуылшы дубль авторы атанды. Есеп – 0:2.

Кездесудің екінші бөлігінде жерлесте­ріміз есеп айырмасын қысқартуға тырыс­ты. Алайда қырағы қарсыластардың қор­ғанысы дес бермеді. Тек ойынның 65-ші ми­нутында ғана Дарко Зорич мергендігімен көзге түсіп, жанкүйерлерін қуантты. Жамбылдықтардың осал тұсын таба білген қызылжарлықтар шабуылдарын үдете түсті. Осындай тартыс кезінде ереже бұзған тараздық қорғаушы ойыннан қуы­лып, пенальти белгіленді. Бұл мүмкіндікті Әлібек Қасым мүлт жіберген жоқ. Қоры­тынды есеп – 2:2.

Аманжол НҰРТАЗИН,

“Soltüstık Qazaqstan”.