ЖҰЛДЫЗДЫ СӘТ

Soltüstık Казахстан

 Kyzylzhar_akparat@mail.ru

Сәбит Мұқанов атындағы облыстық қазақ сазды-драма театрының “SENSETIV” би ансамблі Нұр-Сұлтан қаласында өткен “SILK WOY“ 2021 халықаралық хореографиялық байқауының бас жүлдегері атанды.

Қазақстан, Ресей, Өзбек­стан, Қырғыз­стан, Чехия мем­лекеттері ара­сында өткен өнер байқауында тек облысымыздың ғана емес, республикамыздың намысын қорғаған “SENSETIV” би ан­сам­блінің өнерпаздарының ай­ту­лы же­ңісі өңір жұртшылығын қуа­нышқа бөлеуде. “Заманауи хореографиялық шешім” ата­лы­мы бойынша “Абай жаны” композициясымен жеңіс тұғы­рынан көрініп, “Танго”, “Сам­ба” биімен көпшілікті тәнті ет­кен ансамбль мүшелері І және ІІ орындарды иеленді. Бұл би­шілердің ғана емес, ансамбль­дің көркемдік жетекшісі Ольга Ростовщикованың да кезекті жеңісі екенін айту қажет. Жас дарындарды өнерге баулып, осындай биік белестерді ба­ғындыруына атсалысып жүр­ген өнерпаз бұдан да зор та­быстарға қол жеткізуді арман­дайды.

Айсұлу ХАНАТ,

М.Қозыбаев атындағы СҚУ-дің 2-курс студенті.