Soltüstık Казахстан
Биыл еліміздің Тәуелсіздігіне 30 жыл толады. Мен осындай жасампаз елде туғанымды мақтан етемін. Елімізде өзге этнос өкілдеріне жасалған жағдайдың арқасында мен университетке түсіп, қазір магистратурада оқып жатырмын. Күнделікті сабақтарыммен қатар, облыстық ассамблея жанындағы әзірбайжан орталығының жастар қанатына жетекшілік етемін. 2016 жылдан бері Достық үйіндегі барлық іс-шараларға қатысып келемін. Бір шаңырақ астында тату-тәтті ғұмыр кешіп жатқан түрлі этностардың мәдениетін, тілі мен салт-дәстүрлерін танып-білген ұнайды.
Орыс мектебінде оқи жүріп, қазақ тілін барынша меңгеруге тырыстым. Тіпті қазақ тілі мен әдебиеті пәндері бойынша облыстық, республикалық байқаулар мен олимпиадаларға қатыстым. Елімізде мемлекеттік тілді меңгерген жастар үшін барлық жағдай жасалған. Меніңше, мемлекеттік тіл де – ел азаматтарын біріктіруші, табыстырушы факторлардың бірі.
Шахнияр АЛЛАХЯРОВА,
облыстық әзірбайжан мәдениеті орталығы жастар қанатының жетекшісі.