ОТАНҒА ДЕГЕН ҚҰРМЕТ

Soltüstık Казахстан

 Kyzylzhar_akparat@mail.ru

Петропавл қаласының орта­лық алаңында Мемлекеттік рә­міз­дер күніне арналған патриот­тық акция ұйымдастырылды. Бұл шараны “Jas Otan” жастар қанаты мен қалалық жастар ре­сурстық орталығы бірлесе өткіз­ді. Акцияға еліміздің егемендігі мен елдігін паш ететін Мемле­кет­тік рәміздерімізді ардақтай­тын отансүйгіш жастар қатысты. “Jas Otan” жастар қанаты об­лыс­тық филиалының төрағасы Біржан Құдайбергеннің ай­туын­ша, шараның басты мақсаты – әрбір жастың бой­ында өзінің Отанына деген, өз елінің рәміз­деріне деген құрмет сезімін ояту.

Жастар орталық алаңда ілулі тұрған өңі кеткен Мем­лекеттік Туды жаңасына ауыс­тырып, көк байрағымызды қай­тадан жоғары көтерді. Қалалық ішкі саясат бөлімінің басшысы Азат Ыбыраевтың айтуынша, бұл – Мемлекеттік рәміздер кү­ніне арналған көп шараның бірі ғана. Бұл күні еріктілер қала­да­ғы сауда-ойын-сауық орталық­та­ры мен жанар-жағармай құю станцияларында автокөлік ие­леріне көк түсті жалаушаларды таратты. Сондай-ақ онлайн кон­церт ұйымдастырылып, тұрғын­дардың өтініші бойынша Мағ­жан Жұмабаев, Нұрсұлтан На­зар­баев, Шоқан Уәлиханов кө­шелерінің бойындағы көпқабат­ты тұрғын үйлердің балконда­рына Ту ілініп, қызылжарлықтар рәміздерімізге құрметтерін көрсетті.

Ақмарал ЕСДӘУЛЕТОВА,

“Soltüstık Qazaqstan”.

Суретті түсірген

Талғат ТӘНІБАЕВ.