Ынталыға ырыс мол

Soltüstık Казахстан

 Kyzylzhar_akparat@mail.ru

Петропавлда “Баста!” форумы өтті. Алғаш рет онлайн форматта ұйымдастырылған шараға 150 адам қатысты. “Баста!” форумын 2019 жылдан бері облыстық кәсіпкерлер палатасы ұйымдастырып келеді.

Форумда баяндама жаса­ған кәсіпкерлер палатасы ди­ректорының орынбасары Ма­рат Ысқақов биыл “Бастау Бизнес” жобасының қолға алын­ғанына 5 жыл толғанын атап өтті. Облыста осы уақыт аралығында 1,6 мың жеке кә­сіпкерлік нысаны пайда бол­ды. “Бастаудың” түлектері 2,1 млрд. теңгенің өнімін өндірді.

“Мектеп және балалар киім тігін фабрикасы” ЖШС-нің директоры Әлия Башеева бизнес бастау ешқашан кеш емес екенін айтады. Бастысы – нарықты жан-жақты зерттеу қажет.

– Кәсіпкер атанғаныма көп уақыт өте қойған жоқ. 29 жас­қа дейін банкте жұмыс істеп, түрлі деңгейдегі қызметті ат­қардым. Қаржы саласында жүріп, дәмхана аштым. Кейін банктегі қызметтен қол үзуге тура келді. Сол кезде ескі достарыммен кездесіп, мек­теп формасын тіге бастадық, – дейді Әлия Башеева.

Форум қашықтан өткеніне қарамастан кәсіпкерлер спи­керлерге өз сұрақтарын қо­йып, тұшымды жауаптар ал­ды. Кейбірі, тіпті білікті биз­нес­мендермен әріптестік ор­нату үшін жеке кездесудің уа­қытын да белгіледі.

Гүлмира ШОҚТЫБАЕВА,

“Soltüstık Qazaqstan”.