Soltüstık Казахстан
Облыстық кәсіпкерлер палатасының жаңа директоры болып Әлібек Ашметов тағайындалды.
Әлібек Сәкенұлы Ашметов 1989 жылы шілденің 5-інде Алматы қаласында дүниеге келген. 2011 жылы Алматы экономика және статистика академиясын “Менеджмент” мамандығы бойынша, 2021 осы мамандық бойынша “Тұран” университетінің магистратурасын тамамдаған.
Еңбек жолын 2009 жылы “Анель ДК ПЛЮС” жауапкершілігі шектеулі серіктестігінде бастап, содан кейін қызметін телекоммуникациялар, дистрибьютерлік, логистика саласындағы кәсіпорындарда жалғастырды. 2012-2013 жылдары “Фирма TSA” ЖШС-нің жобалау, 2016-2017 жылдары “Логистическая компания АЛИДИ” мекемесінің жөнелту бөлімдеріне жетекшілік еткен.
“Атамекен” Ұлттық кәсіпкерлер палатасының құрылымдарында Әлібек Ашметов 2018 жылдан бері еңбек етуде. Алматы қаласы кәсіпкерлер палатасының әкімшілік бөлімінің басшысы қызметінен бастаған ол директордың әлеуметтік мәселелер, кейін экономикалық мәселелер бойынша орынбасары қызметіне дейін өсті. Осы аралықта ол “InfoAlmaty.kz” порталын, Алматы қаласындағы мобильдік жұмыспен қамту орталықтарын іске қосуға үлес қосты. Өткен жылдың желтоқсан айынан 2021 жылдың сәуіріне дейін Әлібек Ашметов Ұлттық кәсіпкерлер палатасының аппаратын басқарды.
Облыстық кәсіпкерлер палатасының баспасөз қызметі.