Қазақстан – жартылай финалда

Soltüstık Казахстан

 Kyzylzhar_akparat@mail.ru

Футзалдан Қазақстан құра­ма­сы өз тарихында тұңғыш рет әлем чемпионатының жар­тылай финалына жолдама ал­ды. Ширек финалда отан­дас­тарымыз әлем чемпионаты­ның қола жүлдегері Иранға қар­сы ойын өткізіп, 3:2 есебімен жеңіске жетті.

Бірінші таймды еліміздің құра­масы сәтсіз бастап, 2:0 есебімен ұтылып жатқан. Алдымен 8-ми­нутта Мослем Оладгобад иран­дық­тарды алға шығарса, 15-минутта Ахмед Эсмаилпур есепті еселеді.

Кездесудің екінші бөлігінде қа­зақстандық футболшылар жеңіске деген ерік-жігер танытты. 25-ші ми­нутта Дәурен Тұрсағұлов тепкен допты қайтарамын деп Иран қақ­пашысы Алиреза Самими өз қақ­пасына гол соғып алса, 29-шы минутта қазақстандық шабуылшы Арнольд Кнауб айып добынан кейін таразы басын теңестірді. Ал 39-шы минутта Тайнан нәтижелі соққы жасап, ұлттық құрамаға жеңіс әкелді.

Ұлттық құрама­ның бас бапкері Пауло Рикардо Ка­каның айтуын­ша, футболшылар барын салып ой­нады. Нәтижесінде та­рихи жеңіске қол жет­кізді. – Әр ойыншы бар күш-жігерін салып, ме­нің қойған тап­сыр­­маларымды орын­дады. Олар­дың ойынына ри­замын. Тіпті, мен қазақ болсам, әр­кез осы команда­ны мақ­тан тұтар едім, – деп ақ­жарма кө­ңілін жет­кі­зіп қуанышы­мен бөлісті бас бап­кер.

Жартылай финалда Қазақстан аяқдопшылары португалиялық­тар­мен кездеседі. Ал екінші жұпта Аргентина мен Бразилия күш сы­насады.

Аманжол НҰРТАЗИН,

“Soltüstık Qazaqstan”.