Айыртау аудандық орталық ауруханасының фельдшері вакцинация паспортын қолдан жасап келгені үшін сотталды. Қылмыстық істі Айыртау аудандық соты қарады. Облыстық соттың баспасөз қызметінің мәліметінше, медициналық қызметкер үстіміздегі жылғы 14-21 тамыз аралығында жұмыс орнында отырып, “Профилактикалық екпе есеп журналына” жалған мәліметтерді енгізген. Соның негізінде “Вакцинация модулі” автоматтандырылған жүйесінде жалған вакцинация паспорттары қалыптастырылған.
Солтүстікқазақстандық оқушылар “Елбасы медалімен” марапатталды. Биыл Тұңғыш Прездиент Нұрсұлтан Назарбаев және “Елбасы Академиясы” қорларының бастамасымен өткізілген жобаға облыс атынан 404 жас қатысты. Оның 258-і қола, 70 үміткер күміс медальға ие болды.
Талай жылғы журналистік қызметімнің барысында астамси сөйлеп, ақыл айтуға, өзінің сөзін ғана жөптеп, “иә” демегендермен кеңірдектесуге дайын тұратын кеудемсоқтарды көп көргендіктен бе екен, есімі өңір жұртшылығына ғана емес, одан тысқары жерлерде де жақсы таныс, іскерлігі мен жаңашылдығының арқасында тасы өрге домалап тұрған кәсіпкер Жомарт Омаровпен алғаш кездескенімізде, ақшаның буына піскен “заманауи байшыкештердің” бірі ме деп …
Қазақ халқының даңқты батыр ұлы Бауыржан Момышұлы: “Өзінің ұлтын сыйламаған ұлтын мақтаныш тұта алмайды”, – деген екен.
“Nur Otan” партиясы облыстық филиалы жанындағы мониторингтік топ мүшелері 2025 жылға дейін 1300 нысанды тексеруді жоспарлап отыр. Ондағы мақсат – мүмкіндігі шектеулі жандардың мекемелерге кіріп-шығуының қаншалықты деңгейде қолжетімді ұйымдастырылғанын білу. Бүгінге дейін 259 ұйымға талдау жасалып, жағдайдың көңіл көншітпейтіні, негізгі талаптардың сақталмайтыны анықталды.
1990 жылы БҰҰ-ның Бас Ассамблеясы 1 қазанды Халықаралық қарттар күні деп жариялады. Содан бергі уақытта біздің елімізде жыл сайын “Қарияларға қамқорлық, жақсылық пен мейірім” айлығын ұйымдастыру дәстүрге айналған. Халқымыз қай кезеңде болмасын үлкенді сыйлап, ақылын тыңдаған, аға буынның алдынан кесе көлденең өтпеген. Елімізде қарт адамдарға деген қамқорлық жыл сайын артып келеді. Мемлекет оларға көрсетілетін көмек …
Кәсіподақ – азаматтардың еңбек, өндірістік мүдделерінің ортақтығы негізінде өз мүшелерінің әлеуметтік-экономикалық құқықтарын қорғау үшін құрылған ерікті ұйым. Бүгінде еңбек қатынастарына, жұмысқа қабылдауға және босатуға, жұмыс уақыты мен демалыстың ұзақтығына, жалақының мөлшеріне қатысты тағы да басқа туындаған мәселелерді шешуде елеулі рөл атқарып келеді. Облыстық кәсіподақ ұйымы өз қызметін тең әріптестік, ынтымақтастық қарым-қатынасқа құра отырып, “Кәсіподақтар туралы” …
Ауданда ауыл шаруашылығы кадрларының жетіспеушілігі мәселесін шешумен “Тұлпар” кәсіби-техникалық оқу орталығы 2007 жылдан бері айналысып келеді. Осы аралықта елді мекендерге қажетті ондаған маман даярланды.
Жақсы ән жаныңды жадыратып, көңіліңді көкке көтереді. Әсем ән мен тәтті күйді бала кезден құмарта тыңдап, көкірегімізге тоқып өстік қой. Тағдырын ауылмен байланыстырып, ұлттық мәдениетіміздің дамып, өркен жаюына бір тынбастан тынымсыз еңбек етіп жүрген өнер иелерінің бірі – Гүлбаршын Рәзиева.
Биыл еліміз Тәуелсіздіктің 30 жылдық мерейтойын атап өтеді. Уақыт өлшеміне сыймайтын кезең ішінде әлем танитын мемлекетке айналуымыз, Тұңғыш Президентіміз Нұрсұлтан Назарбаевтың сөзімен айтатын болсақ, “терең тарихымыз бен мың жылдық болашағымызды сабақтастырып, “Мәңгілік Ел” болатын дара жолға түскенімізді” айғақтайды. Тұлпар мініп, ту ұстаған, көшелі сөз, қалың қол бастаған, елдікті, бірлікті айбынды ұран еткен асыл бабаларымыздың ордалы …
Жамбыл ауданы аумағында орналасқан жер жәннаты іспеттес “Гүлтөбе-Маманай” қонысында есімдері елімізге әйгілі небір от ауызды, орақ тілді шешендер, қалың қол бастап, жауына атой салған ержүрек батырлар, арқалы ақындар, қаламы жүйрік жазушылар дүниеге келген.
