Жыл басынан бері солтүстікқазақстандық полицейлер азаматтық қару мен олардың патрондарын сатып алуға 1251 рұқсат қағазын ресімдеді. Облыстың 7167 тұрғынында 12121 бірлік қару бар, оның 1032-сі ойық ұңғылы. Әр қару иесін полиция қызметкерлері жүйелі түрде тексереді. Бұл жұмыстың мақсаты қару ұрлығын жасау және оны қылмыстық мақсатқа пайдалану қаупін азайту болып табылады.
Керекуде өткен Ыбырай Алтынсариннің 180 жылдығына арналған “Ұлттың ұлы ұстазы” атты республикалық ақындар айтысында Ерік Асқаров атындағы облыстық жас ақындар мектебінің шәкірті Ақтілек Қайымхан “Желдірме жыр” арнайы жүлдесіне ие болды. Бұл додаға еліміздің түкпір-түкпірінен 12 талапкер қатысқанын айтып өткен жөн.
Ақан сері атындағы облыстық филармонияның 12 қараша мен 4 желтоқсан аралығында Жастар сарайында өтетін концерттік бағдарламасының репертуары
Облыстық көші-қон қызметінің мамандары Петропавл медицина колледжінде онлайн-жәрмеңкеге қатысты. Халыққа мемлекеттік қызмет көрсететін басқа да ведомство өкілдерімен бірге тәртіп сақшылары «Facebook» әлеуметтік желісінде тікелей эфирде және «ZOOM» платформасына келіп түскен сұрақтарға жауап берді.
Қазіргі таңда жастар арасында көркем немесе косметикалық тату кең қолданысқа ие. Алайда оның адам денсаулығына жағымсыз әсері барын көп адамдар біле бермейді. Зарарсыздандырылмаған құрал-жабдықты қолдану арқылы жараның бетіне герпес немесе В және С гепатиттері, АИТВ сияқты қауіпті ауруларды жұқтырып алу қаупі жоғары.
Петропавлдық зейнеткерлер саламатты өмір салтын ұстанып, каратэ спортына қызығушылық танытуда. Олардың арасында түрлі жарыстардың жүлдегерлері де бар.
Жетпіске жасы таяған Жамал әжей күнде таңмен таласа тұрады. Бүгін де сол баяғы әдетінше ұйқысынан ерте оянды. Ол қабырғада ілініп тұрған марқұм жұбайы мен ұлының суретінен көз алар емес. Кейуананың ауызғы бөлмеден түскен жарықтың сәулесімен шағылысқан көз жасы тоқтар емес.
«Үйі жоқтың – күйі жоқ» демекші, қазір пәтер жалдап жүргендердің қатарында әлеуметтік көмекке мұқтаж жандар аз емес. Баспаналы болудың бірден-бір жолы – пәтерді ұзақ жылға жалға алу.
Өңірлік коммуникациялар қызметінде өткен брифингте мамандар әлеуметтік қамсыздандыру жүйесіндегі оң өзгерістер жайында айтты.
Тоқтар Әубәкіров десе – бәріміздің көз алдымызға жайдары жүзді, құрыш денелі, сұңғақ бойлы қағілез-қайсар азаматтың шуақ шашқан нұрлы бейнесі жылыұшырап келе қалады, осыдан отыз жыл бұрын бар қазақтың туын көтеріп, рухын асқақтатып, оның ғарышқа аттанған ұмытылмас сәті еске түседі. Бүгінде жігіт ағасына айналған қалыбы қыран тектес қайсар жанға деген қазақтың ілтипаты әлі күнге дейін бір …
Бүгінгі таңда «Жәлел Қизатов атындағы жоғары ауыл шаруашылығы колледжі» өңіріміздегі ауыл шаруашылығы саласына мамандар даярлауды жүзеге асыратын оқу орындарының бірі. Соңғы жылдары колледж білім беру жүйесін қайта жаңартты. Нақты айтсақ, жаңа мамандықтар құрылып, оқытудың жаңа әдістемелері әзірленіп, енгізілді. Оқытушылар мен колледж қызметкерлерінің барлық күш-жігері еліміздің ауыл шаруашылығында сұранысқа ие сапалы мамандар даярлауға жұмылдырылуда.
Егемен еліміздің Тәуелсіздік жылдары қол жеткізген толағай табыстары біздерді-аға буын өкілдерін де керемет қуантады, болашағымыздың жарқын екеніне нық сенім ұялатады. 1991 жылдың 16 желтоқсанынан бастау алған Тәуелсіз мемлекетіміз Елбасы – Тұңғыш Президентіміз Нұрсұлтан Әбішұлы Назарбаевтың сындарлы саясатының арқасында дүние жүзіне танымал мемлекет болып қалыптасты.
Біздің ауданында егін өсірумен айналысатын 250-ге тарта агроқұрылым бар. Биыл шаруашылықтар қуаңшылыққа қарамастан дәнді және майлы дақылдардан мол өнім алып, бір марқайып қалды. Аудан экономикасының негізі ауылшаруашылығы болғандықтан орақ науқаны барысын қалт жібермей, серіктестіктегі жағдайларды бақылап отырдық. Ең бастысы, шаруашылықтар тек пайда табуға ғана емес, өздері орналасқан ауылдардағы әлеуметтік жағдайға да ерекше көңіл бөлетіні қуантады. …
Тәуелсіздік! Қазақстан халқының жаңа тағдырын айқындаған осы бір жалғыз ауыз сөз ұлан-байтақ қазақ даласын жаңартудың символына айналды. Еліміздің Тұңғыш Президенті Нұрсұлтан Назарбаев ұсынған “Мәңгілік ел” ұлттық идеясы Тәуелсіздік, ұлттық бірлік, бейбітшілік пен келісім сияқты басты құндылықтарымызға негізделген. Тәуелсіздіктің 30 жылы ішінде нақ осы құндылықтар Қазақстанның алға қарышты да сенімді дамуын қамтамасыз етті.
Петропавлдағы Спорт сарайында грек-рим күресінен еліміздің еңбек сіңірген жаттықтырушысы, жерлесіміз Жаңаберген Қармандаевты еске алуға арналған облыстық ашық чемпионат өтті. Жарысқа 2005-2007 жылдары туған 150-ге тарта жас балуан қатысуға мүмкіндік алды. Біріншіліктің шымылдығын ашқан өңір басшысының бірінші орынбасары Марат Тасмағанбетов спортшыларға сәттілік тіледі.
Солтүстік Қазақстан облысында автомобиль жолында екі көлік соқтығысып, ауыр бас жарақатын алған жүргізушіні құтқару үшін машинаны кесуге тура келді, деп хабарлайды ҚазАқпарат тілшісі.
Солтүстік Қазақстан облысында құс тұмауы анықталған Лебяжье елді мекенінен ветеринариялық іс-шаралар кешенінің аяқталуына байланысты карантин алынды, деп хабарлайды ҚазАқпарат тілшісі.
Солтүстік Қазақстан облысындағы көлде қалып қойған екі аққудың бірін құтқарушылар мұз құрсауынан босатты, деп хабарлайды ҚазАқпарат тілшісі.
