Soltüstık Казахстан
Өңірімізде “Зорлық-зомбылықсыз 16 күн” республикалық акциясы өтіп жатыр. Іс-шара аясында өңір полицейлері көшелерде, сондай-ақ ірі сауда және ойын-сауық орталықтарында тұрғындарға ақ ленталар, суреттер мен буклеттер таратты.
Облыстық полиция департаменті бастығының бірінші орынбасары Қанат Айтбаевтың айтуынша, акцияның басты мақсаты – отбасында орын алатын зорлық-зомбылық жағдайларын болдырмау, кеңес алу үшін полицейлерге, “Әйелдерді қолдау орталығы” қоғамдық бірлестігіне, психологтарға жүгіну қажеттілігін халыққа жеткізу.
Жергілікті полиция қызметі басқармасының мәліметінше, өңірімізде жыл басынан бері отбасы шырқын бұзған 2391 адам әкімшілік жауапкершілікке тартылған. Жанжалқойларға қатысты екі мыңнан аса қорғау ұйғарымы шығарылды.
Нұрбек БАЕКИН,
облыстық полиция департаменті ішкі және сыртқы коммуникациялар бөлімінің инспекторы.