Soltüstık Казахстан
Ақан сері атындағы облыстық филармонияда “Қызыл Жар” халықтық музыка ансамблінің концерті өтті.
Отыз жылға жуық сахна төрінде өнер көрсетіп келе жатқан шығармашылық ұжымның репертуарындағы тамаша туындылар көрермендерге қуаныш сыйлады. Бүгінде заманауи эстрадалық жанрға бет бұрған ансамбльдің шығармашылығы көпшілік көңілінен шығуда. Балалайка, гитара, домбыра прима, басқа да музыкалық аспаптарда шебер ойнайтын өнерпаздар қызылжарлықтарды ерекше әсерге бөледі. Тамаша кештің өтуіне мұрындық болған “Қызыл Жар” халықтық музыка ансамблінің көркемдік жетекшісі Игорь Рыженко әр көрерменнің көңілінен шығу үшін шығармашылық ұжым біраз еңбектенгенін айтты. Сондай-ақ кеш барысында өнер көрсеткен “Туған жер”, “Мәңгілік”, “Әдемі-ау”, “Сенсетив” би ансамбльдері мен облыстық филармонияның жеке орындаушылары көрермендерге ұмытылмас әсер сыйлады.
Ақмарал ЕСДӘУЛЕТОВА,
“Soltüstık Qazaqstan”.