Облыс орталығындағы №1 қалалық емханада балалармен қатар жүкті және сәбилі әйелдер вакцина алуда.
– Біздің емханаға АҚШ-тың “Pfizer” вакцинасының 516 дозасы түсті. Қазіргі таңда бұл екпені 180 адам алды. Соның 117-сі жасөспірім болса, қалғаны балалы және жүкті әйелдер. Үш күннің ішінде біздің медициналық қызметкерлер вакцина алған адамдарға хабарласып, хал-жағдайларын біледі. Бүгінгі таңда екпе алған жандарда дене қызуының көтерілуінен басқа ешқандай асқынулар байқалған жоқ, – деді №1 қалалық емхананың эпидемиолог дәрігері Светлана Давыдова.
Екпе алуға келгендердің бірі – Сапаргүл Уәлихан. Кішкентай баласы бір жастан енді асқан ана өзінің денсаулығы үшін вакцина алуды ұйғарған. “Коронавирус инфекциясынан құтылудың бірден-бір жолы – ұжымдық иммунитет қалыптастыру. Емхана мамандары екпе алу туралы айтқан кезде бірден келісімімді бердім, – дейді ол.
Ақмарал ЕСДӘУЛЕТОВА,
“Soltüstık Qazaqstan”.