Тәуелсіздік күні қарсаңында “Абылай хан резиденциясы” музей кешенінде “Ағаш тамырымен, адам досымен мықты” атты көрме өтуде.
Қала тұрғындары мен қонақтар көрмеде ағаштан жасалған сәндік-қолданбалы өнер туындыларын тамашалай алады. Сондай-ақ көрмеге музей қорының жәдігерлері мен қолөнер шеберлері Болатбек Қалдыровтың және Ғабит Темірбековтің ағаштан жасаған заттары қойылды. Бұл жәдігерлерге көпшілік тарапынан қызығушылық ерекше. Жергілікті жұртшылыққа өнерлерімен танылған қос талант өз туындыларын түрлі техникаларды қолдана отырып дайындаған. Тарихтан сыр шертетін тамаша жәдігерлер желтоқсан айының 20-на дейін жұртшылық назарына ұсынылмақ.
Әсемгүл ҚЫДЫБЕКОВА,
“Абылай хан резиденциясы” музей кешені директорының орынбасары.