Қазақтың төл өнері – айтыста Ерік Асқаровтың есімі ерекше қадірлі. Қызылжардан түлеп ұшып, Алматының төріндегі талай аламанда атой салған аймаңдай ақынның артында маржан жырлары мен ізін жалғар ұлағатты ұрпағы қалды. “Сайына қарай – саласы, әкесіне қарай – баласы” демекші, жақсы әкенің ізін жалғап жүрген тұлпардың тұяғы, асылдың сынығы Бекзат Асқаровпен жақында халықаралық айтысқа келген кезінде …
Соңғы кездері облыста коронавирус індетіне шалдығушылардың қатары сәл де болсын азайып келе жатқаны қуантады. Бұл адамдардың жұқпалы аурудың қауіп-қатерін жете сезініп, сақтық шараларына бейжай қарамайтындығын аңғартса керек. Мен Солтүстік Қазақстан университеті колледжінде оқимын. Курстастарымның көбі екпе салдырғаннан кейін мен де көп ойланбастан вакцина алу туралы шешім қабылдадым. Ұсынысымды ата-анам бірден қолдады.
Пандемия басталғалы өңірімізде коронавирус инфекциясын 34400 адам жұқтырды. Өткен тәулікте облыста 69 тұрғынның қауіпті дертке шалдыққаны белгілі болды. Оның барлығында ауру белгілері байқалған.
Адам өмірінің мәні де, сәні де – ізгілік. Яғни қолыңнан келгенше жақсылық жасау. Түптеп келгенде әр адам саналы түрде жамандық атаулыдан арылып, игі іске ұмтылса, өмірі де қуанышқа толады. Жуырда Уәлиханов ауданына жолым түсіп, сондай бір ізгі жанмен таныстым. Есімі – Армия Үсенов. 1944 жылы аталмыш ауданда туып, саналы ғұмырын туған жерінде өткізіп жатыр. Жоғары …
Отансүйгіштік – туған жеріңнің тарихын білуден басталады. Осы бір сөздің астарына үңілсеңіз көп нәрсенің мәніне жеткендей боласыз. Талай жылдар, тіпті ғасырлар бойы ата-бабаларымыз мекендеген, бүгінде біз өмір сүріп жатқан кең жайлау, құтты қоныстардың қойнауы тарих пен ашылмаған сырға, тылсым құпияға бөгіп жатыр емес пе? Оған соңғы кездері табылған жәдігерлер мен қорымдар куә. Жан алысып, жан …
Қоғамда орныңды табу үшін, ең алдымен, өз ісіңмен, жасаған жақсылығыңмен, түптеп келгенде қоғамға пайда тигізер адал еңбегіңмен ерекшеленуің тиіс. Осындайда хәкім Абайдың: “Сен де бір кірпіш дүниеге, кетігін тап та бар қалан”, – дегені еске түседі. Уәлиханов ауданында еңбекқорлығымен, кәсібіне деген жанкештілігімен көзге түскен жандар аз емес. Өңіріміздің өркендеуіне хал-қадірінше үлес қосып жүрген шаруашылықтардың бірнешеуіне …
Мемлекет басшысы Қасым-Жомарт Тоқаев “Тәуелсіздік бәрінен қымбат” мақаласында: “Тәуелсіз ел болу оны жариялаумен немесе мемлекеттің іргетасын қалаумен шектелмейді. Тәуелсіздік үшін нағыз күрес күнделікті еңбекпен, үздіксіз әрі дәйекті елдік саясатпен мәңгі жалғасады. Біз қуатты тәуелсіз мемлекетімізбен ғана ұлт ретінде жер бетінде сақталамыз. Осы айнымас ақиқатты берік ұстануымыз қажет”, – деп атап өтті. Біздің ауданымыз да елмен …
Жәния Өсербайқызы отбасымен ақылдаса келе, теріскейге көшуді жөн көрген. Оған қозғау салған – “Оңтүстіктен – Солтүстікке” бағдарламасы. Таңдау Мамлют ауданына түскен. Облыс орталығына жақын және де төрт түлік өсіруге қолайлы жер болғандықтан солай ұйғарған. Аудан әкімшілігі қоныс аударушыларды құшақ жая қарсы алып, баспанамен қамтамысыз еткен.
Өңірлік коммуникациялар қызметінде өткен брифингте облыстық табиғи ресурстар және табиғатты пайдалануды реттеу басқармасының басшысы Бейбіт Исманов биыл атқарылған жұмыстарды саралап, келер жылдың міндеттерін ортаға салды.
Еліміз Тәуелсіздік алғанына – 30 жыл. Қысқа мерзімде Қазақстан әміршіл-әкімшіл басқару жүйесінен нарықтық экономикасы бар, жаңа әкімшілік-басқарушылық даму үлгісіндегі мемлекетке айналды. Түрлі реформалардың нәтижесінде мемлекеттік басқару жүйесі мен қоғамдық-саяси құрылымының өзіндік ерекшеліктері мен сипаттамалары бар мемлекеттік қызметтің ұлттық моделі құрылды. Мемлекеттік қызмет – қоғам өмірінің барлық ішкі жүйелерінің – экономиканың, мәдениеттің, саясаттың, әлеуметтік саланың қызмет …
Облыс әкімі Құмар Ақсақалов төтенше жағдайлар департаменті қызметкерлеріне сегіз өрт сөндіру көлігінің кілтін табыс етті.
Біздің облысымызда жанар-жағармай республика бойынша ең қымбат бағамен сатылып жатыр. Тұрғындардың сөзінше, көптің сұранысына ие АИ-92 бензинінің бағасы күн санап өсуде. Соңғы екі айда жанар-жағармай бағасы 15 теңгеге дейін өскен. “Ақшасы барлар қымбатшылықты сезбеуі мүмкін. Бензин бағасының шарықтап кетуі қарапайым тұрғындардың қалтасына салмақ салуда”, – дейді қала тұрғыны Андрей Шагаев.
Петропавлдағы Ермек Серкебаев атындағы өнерде дарынды балаларға арналған мамандандырылған мектеп-интернат – өнер колледжінің директоры Рауза Кашенева атақты Оксфорд университетінің құрметті профессоры атанды.
Өңірімізде қылқан жапырақтыларды заңсыз кесуге жол бермеу мақсатында “Шырша” акциясы ұйымдастырылуда.
Петропавлдағы көшелердің бірінде цифрлық жүйенің көмегімен жұмыс істейтін жүргіншілердің проекциялық өткелі пайда болды. Облыстық полиция департаменті баспасөз қызметінің мәліметінше, қанатқақты жоба, ең алдымен, жүргіншілердің қауіпсіздігін қамтамасыз ету мақсатында қолға алынған. Оның ерекшелігі – жолдың үсті сызылып, түрлі-түсті бояумен сырланбаған. Ол бағанаға бекітілген жарықдиодты шамдар арқылы белгі береді.
Өңірге жұмыс сапарымен келген Парламент Мәжілісінің депутаттары Лариса Павловец пен Вера Ким Петропавлда жастар қауымымен кездесіп, өзекті мәселелерді талқылады.
Мен – жазушының баласымын. Қазір қызмет бабымен Петропавл қаласында тұрып жатқан жайым бар. Оқырмандарға асқар тау әкем жайлы айтып берсем деймін. Әкем Мәди Хасенов тірі болғанда 1 желтоқсанда 85 жасқа толар еді. 56-ында жалған өмірден озды. Әкем еске түскен сайын “адам ұрпағымен мың жасайды” деген тәмсіл ойыма оралады да тұрады. Пешенесіне ата-бабаларымыз ғасырлар бойы аңсап, …
Облыстық қылмыстық атқару жүйесі департаментінің ЕС-164/6 мекемесінде 250-ден астам әйел жазасын өтеп жатыр. Сотталғандардың режімдік талаптарды сақтауын және күнделікті жүріс-тұрысын тәртіптік бөлімнің аға жедел уәкілі Әсемхан Нұрғалиева қадағалайды. Жақында жазасын өтеушілерді темірдей тәртіпке бағындырып жүрген маманмен кездесіп, сұхбаттасудың сәті туды.
Ауыл туралы сөз болса ондағы қайнаған өмір, қарапайым адамдардың тұрмыс-тіршілігі еске түседі. Шіркін, ауылдағы жылдың төрт мезгілі – төрт түрлі құбылыс, төрт түрлі көрініс еді ғой! Жер қарая диқандар соқа-сайманын сайлауға кіріссе, жаз бойы шөп шабады, күз – берекелі ай ғой, қыс та түрлі қызыққа толы болатын. Балалық шақта адам арманшыл келеді. Алдымен көргеніне, естігеніне …
Бірлік ауылында тұратын досыма барайын деп жолаушылар тасымалы бекетіне шығып едім, сол бағытқа қатынайтын автобустың жүруіне сүт пісірім уақыт бар екен. Сапаржайдың іші ығы-жығы жүргіншіге толы. Біреулер келіп жатса, енді біреулер кетудің қамында.
