«Soltüstık Qazaqstan»

PDF

БАЛҒЫНДАРҒА — БАЗАРЛЫҚ

Soltüstık Казахстан

 Kyzylzhar_akparat@mail.ru

Облыс әкімі Құмар Ақсақаловтың қатысуымен балаларға арналған “Жарқыра, жайна жаңа жыл – Тәуелсіз қазақ елінде!” деген атаумен Президенттік жаңа жылдық шырша өтті. Пандемиялық шектеулерге байланысты шара онлайн-режімде ұйымдастырылды.

Президенттік шыршаға ата-ана қамқорлығынсыз қалған, аз қамтылған және көпбалалы отбасылардан шыққан, ерекше білім беру қажеттіліктері бар, жетім және мүгедек, сондай-ақ оқуда, спортта және шығармашылықта жетістікке жеткен дарынды балалар қатысты.

Жиналғандарды Құмар Іргебайұлы құттықтап, оқуда озат, өмірде алда болуларына тілектестік білдірді. Өңір аудандарынан қатысқан 200 балаға Президенттің атынан сыйлықтар салтанатты түрде табысталды.

9-11 жас аралығындағы 120 балаға велосипед, ал 12-14 жас аралығындағы 80 балаға гироскутер мен смартфон берілді. Сондай-ақ жаңа жылдық шыршада костюмдер байқауының қорытындысы шығарылды. Гран-приді Айыртау ауданындағы қиын өмірлік жағдайға тап болған балаларды қолдау орталығының тәрбиеленушісі Юлия Пашкевич жеңіп алды, оған теледидар тарту етілді.

Әсел ОРАЗБАЕВА,

облыстық білім басқармасының баспасөз хатшысы.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp