Soltüstık Казахстан
2021 жылдың қаңтар-желтоқсан айларында тұрғын үй салу көлемі – 14,7, негізгі капиталға салынған инвестициялар – 10, құрылыс жұмыстары мен өнеркәсіп өндірісі 5,8 пайызға өсті. Негізгі капиталға құйылған инвестициялар көлемі 332 млрд. теңгені құрады. Шаруашылық жүргізетін субъектілердің меншікті қаражаты (инвестициялардың жалпы көлемінің 53 пайызы) негізгі капиталға салынған инвестицияларды қаржыландырудың негізгі көзі саналады. Негізгі капиталға құйылған инвестицияларды игеру бойынша басым салалар: ауыл, орман және балық шаруашылықтары (48,4 пайыз), көлік (15,1), жылжымайтын мүлікпен жасалатын операциялар (15 пайыз) және өнеркәсіп (12,1 пайыз).
Инвестициялар өз жемісін беріп, ауыл шаруашылығы жалпы өнімінің көлемі 895,1 млрд. теңгеге жуықтады. Ал өнеркәсіп өндірісінің көлемі 364,7 млрд. теңге болды. Құрылыс жұмыстарының көлемі 107,1 млрд. теңгеге жетті. Оның төрттен бірі жолдар мен автомагистральдар құрылысына тиесілі. Пайдалануға берілген тұрғын үйлердің жалпы ауданы – 351,1 мың шаршы метр. Әр шаршы метрге жұмсалған орташа нақты шығын 131,2 мың теңгені құрады.
Әлия АРҒЫМБАЕВА,
Стратегиялық жоспарлау және реформалар агенттігі ұлттық статистика бюросы облыстық департаментінің баспасөз хатшысы.