«Soltüstık Qazaqstan»

PDF

ІЗГІЛІК ПЕН ІЗДЕНІС

Soltüstık Казахстан

 Kyzylzhar_akparat@mail.ru

Облыстық бейнелеу өнері музейінде “Ермек Серкебаев атындағы өнер колледжі – өнерде дарынды балаларға мамандандырылған мек­теп-интернат” кешені студенттерінің “Шабыттың қайнар көзі” көрмесінің ашылуы өтті.

Шара жастар арасында бейнелеу өне­рін насихаттау, қаланың жас су­ретшілерінің шығармашылығымен та­ныстыруды көздеді.

– Біз колледж ұжымымен тығыз қа­рым-қатынаста жұмыс істейміз. Сту­дент­тер­дің салған суреттерін музей қабырғасында жылына бір немесе екі рет келушілерге ұсынып тұрамыз, – дей­ді облыстық бейнелеу өнері му­зейі­нің экскурсия жүргізушісі Мадина Әлібекова.

Бұл жолғы шығармашылық көрмеге 2-4 курс студенттерінің жұмыстары қойылды. 33 кескіндемеден тұратын көр­ме – осы оқу жылындағы ең үздік сту­денттік жұмыстардың жинағы. Жас авторлар әлі де шығармашылық ізде­ністе. Олардың туындылары ізгілікті на­сихаттайды, эмоцияларға толы.

– Өнер колледжінде 30 жылға жуық сабақ беремін. Осы уақыттың ішінде түрлі дарынды жастар алдымнан өтті. Әр талапкердің көзқарасы, таным тү­сі­нігі, өмірді қабылдауы әртүрлі, – дей­ді оқу ордасының кескіндеме бөлімі­нің меңгерушісі Анатолий Тюрин.

Рабиға ЕРАЛЫ,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp