Soltüstık Казахстан
Республикалық маңызы бар тасжолдардың сапасын бақылау мақсатында “Жол активтерінің ұлттық сапа орталығы” облыстық филиалының өкілдері жыл басынан бері 18 тексеріс жүргізді. Нәтижесінде кейбір тасжолдарды қардан тазалау жұмыстары дұрыс жүргізілмегені анықталды.
“Мамлютка – Қостанай”, “Жезқазған – Петропавл”, “Рощинское – Корнеевка – Волошинка” бағытындағы жолдардың ақ ұлпадан уақтылы тазартылмағаны белгілі болды. Одан қалды, жолдың қауіпті деген жерлеріне тұзды-құмды қоспа себілмеген. Соның салдарынан бұл учаскелер қауіпті аймаққа айналып, жол қозғалысы қиындаған. Қарды қиылыстар мен жолайрықтарына, жолдың дәл жиегіне төгіп кету фактілері де кездесуде.
Жолды тазартуға тапсырыс беретін мекеме мен мердігер компанияларға шұғыл әрекет ету үшін 18 ұйғарым-хат жолданды.
Алтынай ҚАЗИҚАН,
“Soltüstık Qazaqstan”.