«Soltüstık Qazaqstan»

PDF

Мүгедек балғындар қолдауға зәру

Soltüstık Казахстан

 Kyzylzhar_akparat@mail.ru

Қызым Айша 2 жас 8 айдан асты. Бал тілін қызықтайтын сәті еді ғой, алайда жанымды мұңға бөлеп, кеу­демді ащы өксік қысады. Туа салы­сымен миына қан құйылып, бірне­ше ағзасы қатты зақымданды. Дәрі­герлер гидроцефалия деген диаг­ноз қойды. Басқа да кеселдері бар. Көзіне зақым келген. Қызымды емдет­пеген жерім жоқ. Шетелге де бірнеше рет апардық. Варшава­дағы клиникаға қаратқаннан кейін тәуір болып қалған болатын.

Алматы, Нұр-Сұлтан қалала­рын­да оңалту ақылы түрде жүргізіледі. Жүйелі түрде ем-дом алуға қа­ражат жағы қолбайлау. Дәрігерлердің кеңесінен соң қызымның қа­білетін одан әрі дамыту мақсатымен Петропавлдан мүгедек бала­ларға арналған оңалту орталықтарын қанша іздесем де таппадым. Жанымызға осы жайт қатты бата­ды. Амалсыздан жеті ата-ана бірі­гіп, кішігірім зал ашуымызға тура келді. Биыл ол өз жұмысын баста­ды. Балғындардың тілін дамытып, денсаулықтарын нығайту үшін ма­мандарды Қазақстанның әр өңірі­нен шақыртамыз. Нәтиже жаман емес. Қазір қызымның қол-аяғының бұлшық еттері бекіп, еңбектей бас­тады.

Айтпағым, мүгедек бүлдіршіндерді оңалтуға Үкіметтен және жер­гілікті билік тарапынан қолдау көр­се­тілуін қалаймыз. Өйткені 70-тен ас­там ата-ана балаларын оңалту орталықтарына бергісі келгенімен, жұмсалатын қаржыны бәрі таба ал­масы анық. Осы себепті біз ашқан залға 15 балғын ғана келеді. Қар­жы­лық жағынан қиындық көріп жүр­гендердің бірі – Оксана Бормотова. Оның айтуынша, 6 жастағы ұлын Алматы, Новосібір қалаларына апа­рып, біраз шығынданған көрінеді. Өйткені ем-домға пәтер жалдау, жол мен азық-түлік шығындары қо­сы­лады. Тек қаңтар айында ғана Ар­темді оңалтуға 250 мың теңге жұм­сапты.

Петропавлда ашылған оңалту ор­талығының барлық шығынын ата-аналар өздері көтереді. Мәсе­лен, ай сайын залды жалдау құны – 80 мың теңге, нұсқаушының 40 ми­нуттық сеансы – 4 мың теңге. Бұдан бөлек, өзге қаладан шақыртыла­тын білікті маманның шығындары да ата-аналардың есебінен өтеле­ді. Ата-аналардың бір ғана өтініші бар, ол – әкімдік тарапынан оңалту­ға арналған шағын нысан не зал бөлінсе деген ниет. Осы тілегіміз орындалса, талай балғынның сауа­бын алар едік.

Әзиза ЖҮНІСОВА,

Петропавл қаласының тұрғыны.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp