«Soltüstık Qazaqstan»

PDF

“Өскенде құтқарушы боламын!”

Soltüstık Казахстан

 Kyzylzhar_akparat@mail.ru

1 наурыз – Бүкіләлемдік азаматтық қорғаныс күні. Осы датаға орай облыстық төтенше жағдайлар департаментінің өкілдері мектеп оқушылары үшін ерекше шара ұйымдастырды. Мағжан Жұмабаев көшесінің бойына арнайы техникаларды қойып, балаларды құтқарушы мамандығымен, атқаратын жұмыстарымен таныстырды.

Мұндай шара дәстүрлі түрде жыл сайын ұйымдастырылады. Бұл жолы облыстық төтенше жағдайлар департаментінің мамандары мектеп оқушыларын арнайы техникалары­мен таныстырып, оқыс оқиға бола қалған жағдайдағы шұғыл әрекет ету тәсілдерін көрсетті.

– Мұндағы техникаларды біздің күнделікті жұмыста қолданамыз. Яғни өрт кезінде өрт сөндіру техни­калары дайын тұрады, боран бола қалған жағдайда іздестіру жұмыс­тарын жүргізуге арнайы техникалар шығады. Оқушылар ерекше қызы­ғушылық танытты, – дейді облыстық төтенше жағдайлар департаменті азаматтық қорғаныс басқармасының аға офицері Қуат Махметов.

Сондай-ақ шара барысында оқу­шылар өртсөндірушілердің форма­сын киіп көріп, апат кезінде адамдарды іздейтін қызметтік иттерді та­машалады. Экскурсия қызықты өтіп, балалардың көбі өскенде құтқарушы болғысы келетіндерін айтты.

Алдағы ай “Азаматтық қорғаныс айлығы” деп жарияланған болатын. Сондықтан осы тектес танымдық іс-шаралар бір ай бойы өткізілмек.

Әділет БАҒЛАНҰЛЫ,

“Soltüstık Qazaqstan”.

Суретті түсірген

Талғат ТӘНІБАЕВ.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp