Soltüstık Казахстан
Kyzylzhar_akparat@mail.ru
Солтүстік Қазақстан облысында жол-көлік апатының салдарынан, қар тазалап жүрген 2 жұмысшы көз жұмды. Үшеуі дене жарақатын алған, деп хабарлайды Qyzyljarnews.kz тілшісі.
Полиция департаменті баспасөз қызметінің мәліметінше, оқиға 28 ақпанда Есіл ауданына қарасты Мальцево ауылының маңында орын алған. Тіркемесі бар екі көлік соқтығысып қалды. Салдарынан «Петропавл жолдары» жауапкершілігі шектеулі серіктестігінің қар тазалап жүрген қызметкерлері жапа шекті. 68 және 48 жастағы қос жұмысшы сол жерде жан тапсырды, 3 адам түрлі деңгейдегі жарақат алды.