Soltüstık Казахстан
Қазақстанда 1-інші наурыздан бастап көктемгі әскерге шақыру науқаны басталды. Көктемде облыстан 550-ден астам жас сарбаздар қатарын толықтырады, деп хабарлайды Qyzyljarnews.kz тілшісі.
Сәуірдің 17-сі 20 солтүстікқазақстандық жігіт әскерге кетті. Олар Алматыда Қазақстанның әуе қорғанысы күштерінде қызмет ететін болады.
— Мен әуе қорғанысы күштеріне қызмет етуге барамын. Көптен бері элиталық әскерлер қатарына қосылғым келіп жүрген. Әрбір азамат Отан алдындағы борышын өтеуге міндетті деп санаймын, — деді Нұрсұлтан Қайсарұлы.
Еліміздің қарулы күштерінің қатарын толықтырушыларды ата-аналары мен туыстары шығарып салды.
Қазақстанда 18-27 жас аралығындағы азаматтар әскерге баруға міндетті. Көктемгі науқан барысында СҚО-дан 550-ге жуық жасты шақыру жоспарлануда. Олар ҰҚК шекара қызметінің, Қарулы күштердің, Ұлттық ұланның, Төтенше жағдайлар министрлігінің, Мемлекеттік күзет қызметінің әскери бөлімдеріне 12 ай мерзімге жіберілмек.