«Soltüstık Qazaqstan»

ұлы оқиғаны еске алу күні.бұл күн біздің жадымызда сақталады!

PDF

Квота бойынша 6,5 мыңнан астам адам қоныс аударады

Soltüstık Казахстан

 Kyzylzhar_akparat@mail.ru

Қазақстан Республикасы Премьер-Министрінің орынбасары Ералы Тоғжанов Мемлекет басшысының тапсырмасына сәйкес Көші-қон саясатының 2022-2026 жылдарға арналған тұжырымдамасының жобасы әзірленгенін мәлімдеді, деп хабарлайды Qyzyljarnews.kz тілшісі.

Оның айтуынша, тұжырымдамада көші-қон процестерін реттеуге бағытталған бірнеше іс-шара қарастырылған. Оңтүстік өңірлерден солтүстікке жұмыс күшін тартқан кәсіпорындардың шығындарын өтеу, облысішілік және өңіраралық қоныс аударуды ынталандыру, түрлі себептермен өмір сүруге қолайсыз елді мекендердің тұрғындарына көшуге жәрдемдесу, қоныс аударушыларға ауыл шаруашылығымен айналысу үшін жер учаскелерін беру, солтүстік өңірлерге қоныс аударған қандастарға азаматтық алғаннан кейін тұрғын үйге кезегін сақтау секілді жеңілдіктер қарастырылған.

-«Қуатты өңірлер – ел дамуының драйвері» ұлттық жобасын іске асыру арқылы 2026 жылға дейін солтүстікке қоныс аударған адамдарды жұмыспен қамту деңгейін 87 пайызға дейін жеткізу көзделген. Инфрақұрылымдық жобаларды еңбек ресурстарымен қамтамасыз ету үшін оңтүстік аймақтардан 35 мың адамды тарту жоспарланды. Еңбек күші тапшы өңірлерді қолдау мақсатында Еңбек және халықты әлеуметтік қорғау министрлігі жыл сайын оңтүстіктен солтүстікке қоныс аударушылардың квотасын бекітеді. Биылғы жылы квота 6587 адамды құрады, − деді Ералы Тоғжанов.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp