«Soltüstık Qazaqstan»

PDF

Ұрлық азайды

Soltüstık Казахстан

 Kyzylzhar_akparat@mail.ru

Облыс полицейлері 2022 жыл­дың қорытындысы бойынша мүлікке қатысты қылмыстар санының азай­ға­нын тіркеді. Қылмыстың ең көп та­ралған түрі – бөтеннің мүлкін ұрлау. Өткен жылы облыста 1444 ұрлық жа­салды, бұл 2021 жылмен салыстыр­ғанда 18,8 пайызға аз. Мал ұрлығы 31 пайызға төмендеді. 2021 жылы – 29, былтыр 20 мал ұрлау фактісі тіркел­ген. Бұл ретте полицейлердің алдын алу жұмысының маңызы зор. Пәтер ұрлықтары санының 32,4 па­йызға азаюына қол жеткізілді. Мұн­да көбі­несе бейнебақылау жүйесін кеңінен қолдану жақсы көмек болып отыр. Тұр­ғындардың кіреберістер мен аулаларда, кәсіпкерлердің сау­да үй-жайларында және ғимараттардың ай­наласына орнатқан каме­раларынан ұрылар сескенеді әрі бұл қылмыстар­ды “ізін суытпай” ашу­ға көмектеседі. Пәтер ұрлықтарын ашу көрсеткіші 74,7 пайызға дейін өсті.

Мүлікке қатысты қылмыстардың басым бөлігін алкогольді асыра пай­даланғандар жасайды. Мәселен, ұялы телефонды дәмханада немесе пәтерде ұрлаудың сценарийі бір-біріне ұқсас, бұған себеп – отырыста ішімдікті шамадан тыс ішу. Айта кету қажет, телефон ұрлығы да азайды. Бұрнағы жылы – 306, былтыр – 231 факті тіркелді. Мүлкіңізді немесе за­тыңызды ұрлатып алмаудың жолы – қырағы болу. Ақша мен басқа да құн­ды заттарды назардан тыс қалдыр­мау қажет. Оларды ішкі қалтаңызда ұс­таған абзал. Қылмыстың жаса­луы­на жол бермес үшін заттарды көзге түсетін жерлерде қалдырмауға кеңес береміз. Сондай-ақ құжаттар мен бағалы заттарды автомобиль салондарын­да қалдыруға болмай­ды. Машина­ларды жарық жақсы тү­сіп тұратын, бейнекамералар қамти­тын аймақ­тарға қою керек.

Марат ЖҰМАЛИЕВ,

криминалдық полиция басқармасының бастығы, полиция подполковнигі.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp