«Soltüstık Qazaqstan»

PDF

Кемшілікке кеңшілік жоқ

Soltüstık Казахстан

 Kyzylzhar_akparat@mail.ru

Мемлекеттік қызмет істері департаментінде әдеп жөніндегі кеңестің кезекті отырысы өтіп, бірнеше мәселе талқыланды. Облыстық әкімдік жанындағы әдеп жөніндегі уәкіл Сейілхан Серікбаев 2022 жылы атқарылған жұмысқа шолу жасады. Жүзеге асырылған іс-шаралар аясында 195 жеке қабылдау, 7 аудан мен 22 ауылдық округте көшпелі мәжіліс ұйымдастырылған. Әдеп жөніндегі уәкілге өтініш-тілектерімен 24 мемлекеттік қызметші жүгінген. 58 профилактикалық шараға 960 мемлекеттік қызметші тартылған. Бірінші басшының ұжымдағы рөлі, ондағы моральдық-психологиялық ахуал, мінез-құлық, адамдармен ілтипатты қарым-қатынас тақырыптары жүйелі түрде қозғалған.

Отырыста Есіл ауданының әкімі Медет Оспановтың жергілікті атқарушы органдарда қызметтік тәртіпті күшейтуге, көрсетілетін мемлекеттік қызметтердің сапасын жақсартуға, сыбайлас жемқорлықтың алдын алуға байланысты жүргізіліп жатқан шаралар жайлы есебі тыңдалды. Баяндамашы өз сөзінде ауданда мемлекеттік қызметшілер штаты 129 бірлікті құрайтынын, 11 орынның бос тұрғанын жеткізді. Былтыр 27 әкімшілік мемлекеттік лауазымға конкурс ұйымдастырылып, үміткерлердің жоқтығынан екі конкурс өтпей қалған. Аудан әкімдігінің аппаратына, ауылдық округтерге тұрғындар 698 рет өтініш-тілекпен келген. Олардың ішінде жер телімдері, тұрғын үй-коммуналдық шаруашылығы, еңбек және жұмыспен қамту, ауыл шаруашылығы мәселелері бойынша шағымданғандар көп.

Жеке қабылдауларға 367 аза­мат келген. Оларды сапалы ауызсу, жылу, жұмысқа орналасу, пай үлес­терін алу жайы көбірек толғандыр­ған. Жыл басынан бері 7601 мемле­кеттік қызмет көрсетілген. Электрондық қызметтің үлесі 89,1 пайызды құраған.

Мемлекеттік қызмет саласын­дағы бақылау басқармасы бас ма­манының міндетін атқарушы Дархан Ермеков мемлекеттік органдардағы тәртіптік комиссиялардың жұмысы­на тоқталды. Былтыр әкімшілік мемлекеттік қызметшілерге 559 әкімші­лік жаза қолданылған. Оның ішінде 3 қызметші қызметінен босатылып, 1-нің қызметі төмендетілген. 21-не қызметіне толық сәйкес еместігі жө­нінде ескерту берілген. Мемлекеттік қызмет саласында қолданыстағы заң нормаларын бұзу Мамлют ауда­нында көп тіркелген. Оған отырыста нақты мысалдар келтірілді. Мәсе­лен, сәулет, құрылыс, тұрғын үй-коммуналдық шаруашылығы, жо­лаушылар көлігі және автомобиль­дер жолдары бөлімінің бас маманы-бухгелтері Л.Казанцева тәртіптік шара қолдану туралы тәртіптік ко­миссия отырысының хаттамасымен таныстырылмаған. Қызыләскер ауыл­дық округінің әкімі К.Усмановқа тәртіптік жаза қызметтік тексеру жүр­гізілместен қолданылған.

Жиында Мамлют, Аққайың, Ақ­жар аудандары әкімдігі аппара­ты­ның басшылары Ғабит Мүсіре­пов­тің, Махаббат Дүйсембаеваның, Ел­нұр Айтқұловтың тәртіптік комиссия қызметі бойынша есептері тыңда­лып, әдеп кеңесінің мүшелері олар­ға орын алған олқылықтарды атап көрсетті. Кемшіліктерді шұғыл түрде жою, мемлекеттік қызмет жұмысын ширату, мемлекеттік қызметшілердің сапалық құрамын жақсарту міндет­тері белгіленді.

Абзал ОРАЗЫМБЕТОВ,

Солтүстік Қазақстан облысы бойынша мемлекеттік қызмет істері департаментінің бас маманы.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp