«Soltüstık Qazaqstan»

PDF

Жолға бөлінген ақшаны жымқырған

Soltüstık Казахстан

 Kyzylzhar_akparat@mail.ru

Ғабит Мүсірепов атындағы ауданда автокөлік жолы то­лыққанды жөнделмесе де, шенеуніктер бөлінген қаржыны жым­қырып үлгерген. Аталған фактіні Қаржылық мониторинг агенттігінің Солтүстік Қазақстан облысы бойынша депар­таментінің қызметкерлері анықтады.

Ғабит Мүсірепов атындағы ау­да­нда “Ауыл – ел бесігі” мем­лекеттік бағдарламасы бойынша ав­токөлік жолы жөнделуі тиіс бола­тын. Бұл мақсатқа республикалық бюджеттен қомақты қаражат та бөлінген. Алайда өз пайдасын ой­лаған шенеуніктер мемлекеттің қар­жысын қалталарына салып алған.

– Жол жөндеу жұмыстары аяқ­талмай тұрып, пайдалануға беру туралы құжаттарға қол қойылған. Жоспарланған 53,5 шақырым жол­дың 27 шақырымы әлі жөндел­меген. Келтірілген шығын көлемі ша­мамен 450 млн. теңгені құрады. Ауданда жол салу кезінде қаржы жымқыру фактісі бойынша қылмыс­тық істі тергеу нәтижесінде ұрлыққа қа­тысы бар бірнеше жауапты адам анықталды. Іс сотқа жіберілді, – деп жазылған Қаржылық мони­торинг агенттінің мәлімдемесінде.

Қаржылық мониторинг агентті­гінің Солтүстік Қазақстан облысы бойынша департаментінің өкілдері жауапты мердігерге жөнделмей қалған жол учаскелерін қалпына келтіруді міндеттеді.

Аманжол НҰРТАЗИН,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp