Soltüstık Казахстан
Облыстық экстремизмге қарсы іс-қимыл басқармасының қызметкерлері Ресей Федерациясының екі азаматы жүзеге асырған заңсыз діни қызметті тоқтатты. Олардың Қазақстанда тіркелмеген діни ұйымның ізбасарлары екені анықталды. 2022 жылдан бастап Петропавл қаласының бірнеше тұрғынын өз ұйымдарына тартып, “жанның тазаруы болады” деп уәде берген. Осы ұйымға адамдарды ізбасарлар мен мессенджерлер арқылы тартқан 42 жастағы ер адам мен 60 жастағы әйел Я.Гашек көшесіндегі жалдамалы пәтерде ұсталды. Оларға қатысты Әкімшілік құқық бұзушылық туралы кодекстің 489-бабының 10-бөлігі бойынша әкімшілік хаттама толтырылды.
Аталған баптың санкциясына сәйкес бұл үшін елу айлық есептiк көрсеткiш мөлшерiнде айыппұл салу көзделген. Бұл ұйым Ресей Федерациясында да тоталитарлық деп танылып, бүкіл аумағында оның әрекетіне тыйым салынған. Қазіргі уақытта құқық бұзушылардың заңсыз әрекеттерін одан әрі тексеру жүргізілуде.
Әсет ҚАНАФИН.