Soltüstık Казахстан
Облыс аумағында “Қауіпсіз апта” жедел-алдын алу іс-шарасы өткізілуде. Учаскелік полиция инспекторлары барлық бағыттар бойынша жұмысты жандандырды. Оның мақсаты қоғамдық қауіпсіздікті нығайту, қылмыстың алдын алу болып табылады.
Қызылжар ауданында жүргізілген рейдтік іс-шара барысында Соколовка ауылындағы поселкелік полиция бөлімшесінің қызметкерлері мотосүйрегішті жүргізіп келе жатқан 37 жастағы жергілікті тұрғынды тексеру үшін тоқтатқан. Тіркемеден 16-шы калибрлі тіркелмеген қос ұңғылы мылтық табылды. Ауыл тұрғынының айтуынша, мылтықты күзде даладан тауып алып, қараусыз қалған бос үйде сақтаған. Бұл жолы мылтықты үйіне алып келмек болған. Тәркіленген мылтық сараптамаға жіберіледі. Өткен жылы да осы азаматтан тіркелмеген тегіс ұңғылы мылтық тәркіленген болатын. Бір жыл ішінде қайталап құқық бұзушылық жасаған жеке тұлғаларға салынатын айыппұл мөлшері 20-дан 30 айлық есептік көрсеткішке дейін артады.
Игорь МЕРЦАЛОВ,
облыстық полиция департаменті ішкі және сыртқы коммуникациялар бөлімінің жетекші маманы.