«Soltüstık Qazaqstan»

PDF

Аманғалидің алтыны

Soltüstık Казахстан

 Kyzylzhar_akparat@mail.ru

Мысыр елінде грек-рим күресі­нен Ибраһим Мұстафа атын­дағы рейтингтік халықаралық турнир өтті. Жарыста солтүс­тікқазақстан­дық балуан Аманғали Бекболатов топ жарды.

Боз кілемде ел намысын қорға­ған спортшылар екі алтын, екі күміс және үш қола медальға қол жеткізді. Жерлесіміз Аманғали Бекболатов 55 килограмм салмақта өнер көр­сетіп, алтыннан алқа тағынды.

– Менің салмағымда Қазақ­станнан үш балуан болдық. Қарсы­ластарымның қатарында Үндістан, Грузия, Мысыр, Қырғызстан және Румыния елдерінен келген спорт­шылар да мықты еді. Қуанышымыз­ға орай, барлық медальдар бізге бұйырды, – дейді Аманғали Бекбо­латов.

Турнирде солтүстікқазақстан­дық балуан үш белдесу өткізді. Бі­рінші айналымда Аманғали қырғыз­стандық спортшыны 8:0 есебімен ұтса, жартылай финалда румыния­лықты 9:0-мен қапы қалдырды. Ақ­тық сында отандасы Марлан Мұқа­шевпен белдесіп, оны да айқын ба­сымдықпен ұтты. 72 килограмм сал­мақта күрескен тағы бір жерлесіміз Данияр Кәленов қола медаль иегері атанғанын айта кеткен жөн.

Аманжол НҰРТАЗИН,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp