«Soltüstık Qazaqstan»

PDF

Ақынның мерейтойына арналды

Soltüstık Казахстан

 Kyzylzhar_akparat@mail.ru

Химия-биология бағытындағы Назарбаев зияткерлік мекте­­­бі жерлес ақын Мағжан Жұмабаевтың 130 жылдығына ар­нал­ған “Мен жастарға сенемін!” атты домбырашылар флешмо­­бын ұйымдастырды. “Достық Молл” сауда орталығында өткен әуезді кешке жиналған тұрғындардың қарасы қалың болды.

Кеш шымылдығы “Мереке ду­ман” биімен ашылды. Мың бұралған бишілер жиналған қауымның көңілін көтеріп, қошеметке бөленді. Кейін ан­самбльдің орындауындағы халық күйі “Кеңес” пен Құрманғазының “Бал­бырауыны” өнерсүйер қауымға жол тартты. Ансамбль құрамы мек­тепте домбыра сабағына баратын 7-8-9 сыныптар оқушыла­ры­нан тұрады.

Шараның басты мақсаты – күй өнерін насихаттау. Халқымыз дом­бы­раға үкі тағып, төріне ілген. Күй­шілер мен ақындарды төредей күтіп, төбесіне көтерген. Осы игі үрдіс қа­зір де жалғасып келеді.

– Бізде жыл сайын домбырашы­лар флешмобы өтіп тұратын. Пан­де­мияға байланысты бұл үрдіс тоқтап қалды. Биыл оны қайта жаңғыртып, алғашқы кешімізді Мағжан Жұ­мабаевтың мерейтойына арнадық. Бүгінгі кеште домбыра, жетіген, би ан­самбльдері ән мен жырдан шашу шашты, – дейді мектептің директоры Данияр Уәлиев.

Флешмоб барысында Мағжан ақын: “Мен сенемін жастарға, Алаш атын аспанға, Шығарар олар бір таңда, Мен жастарға сенемін!”, – деп жырға қосып, үміт күткен жалынды жастар Нұрғиса Тілендиевтің “Ата толғауы”, “Әлқиса”, халық күйлері “Келіншек”, “Арбиян қоңыр”, “Жас­тар үні”, “Салкүрең”, Қазанғаптың “Шынаяқ тастар”, Жасарал Еңсе­повтың “Әке толғауы”, Бораш Әбе­новтың “Желдірме”, Дәулеткерейдің “Көроғлы”, Хабиболла Тастановтың “Би күйі” туындыларын әуелетті.

Рабиға ЕРАЛЫ,

“Soltüstık Qazaqstan”.

Әлеуметтік желілерде бөлісіңіз:

Share on facebook
Facebook
Share on telegram
Telegram
Share on whatsapp
WhatsApp