Soltüstık Казахстан
Облыстық бейнелеу өнері музейінде “Әртүрлі акварель” атты көрме ұйымдастырылды. Онда акварельді пайдалана отырып сурет салумен кәсіби түрде айналысатын өнерпаздардың туындылары қойылған.
Келушілерге аталмыш өнердің дәстүрлі және инновациялық тенденцияларын, суретшілердің әр-түрлі стильдік бағыттарын, әдістері мен авторлық тәсілдерін көрсететін 59 жұмыс ұсынылған. Көрмені ұйымдастырушылар өңір тұрғындарын заманауи шығармалармен таныстыруды, музейдегі акварельдер топтамасын толықтыруды көздеді.
– Акварель – кескіндеме мен графиканың ерекшеліктерін біріктіретін бейнелеу өнерінің бір түрі. Ол суретшілерге ауа мен ылғалдылықтың әсерін, аралас техникада мәнерлі жеткізуге мүмкіндік береді. Қазіргі уақытта акварель жұмыстарына қызығушылық артып келеді, – дейді жобаның жетекшісі Людмила Гатыч.
Рабиға ЕРАЛЫ,
“Soltüstık Qazaqstan”.